Gobiernu del Principau d'Asturies

Asturies, muncho más cerca

Tas en

Asturias.es Usuarios de la Fundación Asturiana d’Atención y Protección a ...
 

Aniciu

Usuarios de la Fundación Asturiana d’Atención y Protección a Persones con Discapacidá viaxen a Bruseles pa conocer el Parlamentu Européu

16/05/2018

Diez usuarios de la Fundación Asturiana d'Atención y Protección a Persones con discapacidáes y/o Dependencies (Fasad) viaxaron esta selmana a Bruxeles para conocer el Parlamentu Européu. El grupu participó ayeri nuna charla informativa sobre'l funcionamientu de la institución y darréu percorrieron les sos instalaciones xuntu col eurodiputáu Jonás Fernández, promotor de la visita.

L'actividá, que conclúi güei con una parada en Bruxes, enmárcase na programación que desenvuelve la fundación pa promover la integración de les persones con discapacidá.

Fasad xestiona cinco centros de sofitu a la integración: La Arboleya, en Meres (Siero), Villalegre (Avilés), Les Arriondes, Candás y Navia; cuatro centros de día pa persones con discapacidá en Candás, Navia, Pando (Mieres) y Riañu (Llangréu), y cinco recursos d'agospiamientu: la unidá residencial de Meres (Siero), el Centru d'Atención a la Dependencia de Turón (Mieres), la unidá residencial de Cangas, una vivienda tutelada pa persones con discapacidá n'Avilés y un recursu d'agospiamientu tutelar nel Fundoma, n'Uviéu.

Tamién lleva a cabu programes de estimulación nel mediu acuáticu pa menores de 0 a 3 años, en collaboración coles Unidaes d'Atención Infantil Temprana, y la iniciativa Mañana, tamién, de sofitu a padres mayores de 60 años que tienen fíos con discapacidá al so cargu.

 

 

Información sobre el documento

© Copyright 2006. Gobiernu del Principau d'Asturies