Gobiernu del Principau d'Asturies

Asturies, muncho más cerca

Tas en

Asturias.es Temes Industria y enerxía El Gobiernu d’Asturies y los axentes sociales constituyen la ...
 

Industria y enerxía

El Gobiernu d’Asturies y los axentes sociales constituyen la mesa pa la ellaboración de la Estratexa Industrial 2030

El documentu busca adaptar el sector a la nueva realidá, marcada pola pandemia, la transición ecolóxica, la dixitalización y la descarbonización

izda. a dcha, el Dtor. Gral. de Medio Natural y Planificación Rural, David Villar; José Manuel Zapico, secretario Gral. de CC.OO.; la Dtora. Gral. de Industria, Rosana Prada; Javier Fernández Lanero, secretario Gral. de UGT; Nerea Moroy, viceS. Gral. de UGT; Jenaro Martínez, secretario de FICA-UGT, y el consejero de Industria, Empleo y Promoción Económica, Enrique Fernández

18/09/2020

El Gobiernu d'Asturies, los sindicatos UXT y CC.OO. y la Federación Asturiana d'Empresarios (Fade) formalizaron güei la constitución de la mesa de siguimientu pa la ellaboración de la Estratexa Industrial d'Asturies 2030, unes de les midíes incluyíes nel alcuerdu de Concertación pa la Reactivación Económica d'Asturies (CREA).

El documentu va tener como exa d'actuación prioritaria la modernización y l'impulsu de la industria al traviés de la so adaptación a la nueva realidá, nel contestu d'una crisis sanitaria ensin precedentes, marcada pola dixitalización, la transición ecolóxica y la descarbonización. Coles mesmes, tien de tar alliniáu cola nueva estratexa industrial europea y les sos dos transiciones: la ecolóxica y la tecnolóxica. A nivel rexonal, la redacción va dir en paralelu cola nueva Estratexa d'Especialización Rexonal (S3) y l'Estratexa de Transición Enerxética.

Na primer xunta, participaron los conseyeros d'Industria, Empléu y Promoción Económica y de Ciencia, Innovación y Universidá, Enrique Fernández y Borja Sánchez, respectivamente; la viceconseyera de Mediu Ambiente y Cambéu Climáticu, Nieves Roqueñí, y el directores xenerales d'Industria, Rosana Prada, y de Mediu Natural y Planificación Rural, David Villar.

El documentu, que se prevé aprobar pa 2021, va tener los siguientes oxetivos:


  • Reactivar la economía rexonal al traviés de la so industria.
  • Definir acciones y midíes que faciliten la transición industrial rexonal.
  • Favorecer l'adaptación de la industria tradicional a nuevos requerimientos.
  • Definir proyectos estratéxicos.
  • Detectar sectores industriales emerxentes estratéxicos y facederos pa la so implantación n'Asturies.
  • Atraer inversiones privaes.
  • Captar y aprovechar los recursos económicos disponibles a nivel européu y nacional.
  • Fomentar la innovación y la so aplicación nes empreses.
  • Implementar iniciatives y empreses innovadores, xeneradores de riqueza y empléu al llargu plazu.

La directora xeneral d'Industria, Rosana Prada, va coordinar los llabores d'ellaboración y van habilitase cinco grupos de trabayu: modernización y sectores emerxentes, I+D+i, nuevos perfiles profesionales, sectores y proyectos industriales estratéxicos y llínees de financiación.

El conseyeru d'Industria señaló que la prioridá del Gobiernu d'Asturies ye promover, xunto colos axentes sociales, ferramientes que dexen consolidar el sector industrial como motor de l'actividá económica, al empar que cuntar con empreses más competitives y fuertes nos mercaos globales.


Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies