Gobiernu del Principau d'Asturies

Asturies, muncho más cerca

Tas en

Asturias.es Temes Educación Educación robla con 59 centros un plan de meyora tresañal ...
 

Educación

Educación robla con 59 centros un plan de meyora tresañal p’aumentar l'éxitu escolar de 15.500 estudiantes

La convocatoria incide nel amenorgamientu y prevención del fracasu escolar y l'abandonu tempranu, según nel fortalecimientu

Un momento del acto

29/10/2019

La conseyera d'Educación, Carmen Suárez, robló güei los contratos-programa coles direcciones de 59 centros educativos p’ aumentar l'éxitu escolar del alumnáu al traviés d'un plan de meyora que se va desenvolver nos próximos cuatro años. En total, los centros sumen 15.456 estudiantes y 1.700 profesionales de la enseñanza.

Tres seis años d'esperiencia nel desenvolvimientu d'estos alcuerdos, nel cursu 2017-2018 empecipióse un segundu ciclu del programa empobináu a centros con esperiencia. Con ello, pretendía potenciase les redes de collaboración entecentru, tomando como exa fundamental l'amenorgamientu y prevención del fracasu escolar y del abandonu escolar tempranu.

Esta convocatoria, a la que se sumaron 14 nuevos centros, surde coles mires d'empecipiar un nuevu ciclu de participación, tres el que se van desenvolver un proyectu abiertu a la comunidá, van establecese redes d'interacción y coordinación que van permitir embrivir les barreres pa l'accesu, la participación y l'aprendizaxe, y van movilizar recursos que permitan ameyorar la ufierta educativa dende una perspectiva de plena inclusión.

Amás, va incidise nel amenorgamientu y prevención del fracasu escolar y del abandonu escolar tempranu, mesmo qu’en fortalecer la formación que recibe'l profesoráu pa responder a la diversidá.

Estos alcuerdos encóntense na esixencia de conxugar l'autonomía pedagóxica y organizativa de los centros cola obligación de l'Alministración d’encauzar les práctiques p’apurrir una educación de calidá.

Información sobre el documento

© Copyright 2006. Gobiernu del Principau d'Asturies