Gobierno del Principado de Asturias

Asturias, mucho más cerca

Estás en

Aniciu Temes Cultura Retayos d'Asturies La Sala Borrón acueye hasta’l 13 de marzu la esposición Llabor, ...
 

Retayos d'Asturies

La Sala Borrón acueye hasta’l 13 de marzu la esposición Llabor, de Ricardo Villoria

L’autor retrata Asturies y la so minería como vecín, fíu y miembru d’esa comunidá rural superviviente de los procesos industrializadores

12/02/2020

La Sala Borrón d’Uviéu acueye dende mañana y hasta’l 13 de marzu la esposición Llabor, la construcción del relato en las cuencas mineras, del artista asturianu Ricardo Villoria. Na muestra, que s’inaugura a les 19:30 hores, l’autor adiéntrase nos sos oríxenes p’amosanos una semeya de la redolada que lu arrodia y-y val d’inspiración.

Ricardo Villoria (Villoria, Llaviana, 1986) estudió gráfica publicitaria n’Uviéu, onde empezó a desenvolver la so creatividá al traviés del diseñu gráficu. Depués del so pasu per Londres y Madrid, amplió’l so abanicu artísticu a otres disciplines como la pintura, la fotografía, el videu o la moda.

Pa Chus Neira, comisariu de la esposición, Llabor ye la semeya que fai Villoria d’Asturies y la minería, que ye tamién la semeya del mesmu artista “como vecín, fíu y miembru d’esa comunidá rural superviviente a los procesos industrializadores”.

El sábanu, el gomín o la matanza, según conclúi’l catálogu d’esta amuesa, “son l’Asturies anterior, esencial y perpetua; el trabayu manual na zona rural como paradigma al que volver depués del colapsu postindustrial”. Con esta obra, Villoria, “enmienda la culpa de la so propia sensibilidá artística y preséntase como un trabayador capaz (cámara, fotógrafu, diseñador) qu’ellabora productos con un valir que reposa nel dominiu de determinaes mañes. Detrás del rellatu mineru ta una ética del trabayu que parte de la estética, pero que percuerre, tamién, la autoficción y el falsu documental pa llegar a la pregunta clave: ¿Quién soi?”.

Información sobre el documento

© Copyright 2006. Gobierno del Principado de Asturias