Gobiernu del Principau d'Asturies

Asturies, muncho más cerca

Tas en

Asturias.es Temes Educación Centros educativos ya Instituciones Educación reconoz la escelencia académica pente medies de los ...
 

Centros educativos ya Instituciones

Educación reconoz la escelencia académica pente medies de los sos premios estraordinarios

Los gallardones van entregase nun actu conxuntu'l 30 de xineru nel Conservatoriu Profesional de Música Eduardo Martínez Torner d'Uviéu

10/01/2020

La Conseyería d'Educación publicó güei nel Boletín Oficial del Principáu d'Asturies (BOPA) los premios al esfuerciu personal y al rendimientu académicu del alumnáu d'Educación Secundaria Obligatoria correspondientes al cursu 2018-2019.

El mesmu boletín recueye los premios estraordinarios del alumnáu d'Enseñances Artístiques Profesionales, del añu 2019; y los del Concursu Hispanoamericanu d'Ortografía, del cursu 2019-2020. Toos ellos súmense a los Premios Estraordinarios de Bachilleratu y a los de Formación Profesional, publicaos nos boletinos de 29 d'agostu y 2 de setiembre respectivamente.

Los gallardones van entregase’l próximu 30 de xineru nun actu que va celebrase nel Conservatoriu Profesional de Música Eduardo Martínez Torner d'Uviéu, y al que van asistir gallardonaos y gallardonaes, acompañantes y delles autoridaes, que-yos van facer entrega d'un diploma acreitativu, amás de los correspondientes premios en metálicu.

Les distinciones al esfuerciu personal recayeron en Marcos Bernardo García, del CPEB Cabanaquinta; Jonathan Carvajal Goulart, del Colexu Fundación Masaveu; Alicia Álvarez Díaz, del IES Montevil; y Julio César Riesgo Cano, del IES La Madalena. Reciben accésit Mohamed Reda Cheikh, del IES Mata Xove; Elisabet Hernández Hernández, del IES Cuenca del Nalón; Raluca Elena Ilie, del IES Alfonso II; y Xiao Xiang Chen Lin, del Colexu San Vicente Paul.

Los premios al rendimientu académicu fueron pa Nicolás Botas Bernardo, del IES Aramo; Andrea Rodríguez Regodeseves, del IES Galileo Galilei; Juan Antonio Trobajo Flecha, del Colexu San Ignacio; Jorge Meré Ron, del IES Roces. Los accésit correspondieron a Sara Sánchez Malaver, del IES Aramo; Raquel Mera Álvarez, del IES Pando; Óscar Corona Orts, del Colexu Amor Misericordioso; y José Joaquín Llorens Caerols, del IES Escultor Juan de Villanueva.



Enseñances Artístiques Profesionales

No que fai a Enseñances Artístiques Profesionales son premiu na categoría de música Jesús Méndez Camacho (violín), Raquel Menéndez González (violonchelu), y María Eres Peláez (cantu). Na modalidá de danza clásica resultó premiada Paula Fernández Naves y na d'Artes plástiques y diseñu, Inmaculada Martínez Lobo (ilustración).



Concursu Hispanoamericanu d'Ortografía

Concediéronse tamién los premios de la fase autonómica del Concursu Hispanoamericanu d'Ortografía, correspondientes al añu académicu 2019-2020. Los gallardones fueron concedíos a Fernando Castro Fernández, del IES Carmen y Severo Ochoa, y Adriana Rodríguez Flórez, del IES Sánchez Lastra.



Bachilleratu y Formación Profesional Superior

Los Premios Estraordinarios de Bachilleratu correspondientes al añu académicu 2018-2019 recayeron en Lucía Fernández Álvarez y Jaime Expósito Villa, dambos del Colexu Meres; Andrea Balseiro Pérez, del IES Montevil; Paula Rodríguez Sánchez, del Colexu Santa María del Naranco; Bárbara Aybar Uría, del IES El Piles; y Diego Francisco Fernández, del Alfonso II.

A lo último, consideráronse premios estraordinarios de Formación Profesional de grau superior correspondientes al añu 2018 los espedientes de Sara Lago García (Actividaes Físiques y Deportives), Celeste Luque Ramos (Alministración y Xestión), Roberto Mador Menéndez Fernández (Agraria), Diego de Dios Bendito (Artes Gráfiques), Lucía González Cancelo (Comerciu y Marketing), Aurora Díaz Álvarez (Edificación y Obra Civil) Víctor Suárez Bermejo (Eletricidá y Electrónica), Ignacio Trapiello Gutiérrez (Fabricación Mecánica), Beatriz Laso Grupeli (Hostelería y Turismu), Tania María Rosado Rancaño (Imaxe Personal), Cristina Moltó Álvarez (Imaxe y Soníu), Aída Rodríguez Rodríguez (Industries Alimentaries), Eduardo Miguel Rojo Burgos (Informática y Comunicaciones), Daniel García Álvarez (Instalación y Caltenimientu), Yago Ferradás Soage (Marítimo-Pesquera), Patricia Álvarez Pérez (Química), Desirée Soto Barrientos (Sanidá) y Carmen Gutiérrez Suárez (Servicios Socioculturales y a la Comunidá).

Información sobre el documento

© Copyright 2006. Gobiernu del Principau d'Asturies