Gobiernu del Principau d'Asturies

Asturies, muncho más cerca

Tas en

Asturias.es Temes Investigación Asturex pon en marcha un programa piloto nuevu de comerciu ...
 

Investigación

Asturex pon en marcha un programa piloto nuevu de comerciu electrónicu internacional

La ferramienta e-Comex va permitir que siete empreses seleccionaes reciban apoyu gratuitu pa la definición de les sos estratexes de venta y posicionamientu en llinia nel exterior

13/10/2019

La Sociedá de Promoción Esterior Principáu d'Asturies (Asturex) punxo en marcha e-Comex, un programa de comerciu electrónicu pa sofitar na definición de la so estratexa d’internacionalización dixital tanto a empreses esportadores tradicionales que deseyen incorporar la canal online nos sos planes de negociu, como a aquelles que yá venden per internet pero deseyen ampliar fronteres.

Esti proyectu va desenvolvese per primer vegada y tien calter gratuitu para les compañíes. Nesta edición, ta previsto trabayar nes estratexes de comercialización y allugamientu en llinia de siete firmes, que van ser escoyíes tres un procesu previu d'inscripción que remata'l día 20.

El programa forma parte d'un plan de sofitu a la internacionalización dixital que s'executa dende'l Club e-Asturex, del que yá formen parte 116 empreses asturianes. La participación nesti grupu ye gratuita y dexa aportar a les siguientes actividaes previstes hasta finales d'añu:

- Un ciclu de xornaes técniques sobre temátiques rellacionaes con marketing dixital colos siguientes conteníos:

  • Analís del allugamientu de les páxines web empresariales (Google Search Console), el 15 d'ochobre.
  • Definición de les pilastres básiques d'una web empobinada al comerciu en llinia, el 19 de payares.
  • Social marketing: Pinterest & Instagram, empobináu al sector de la moda, el 3 d'avientu.
  • - Un programa de marketing dixital internacional (e-Esporta).

- Un programa de sofitu al comerciu electrónicu al traviés de marketplaces.

- Apertura d'un estand promocional de productos asturianos n’Alibaba.com.

Tola información sobro los programes, duración y requisitos d'accesu ta disponible na web de Asturex ((www.asturex.org ), nel apartáu de programes de sofitu, marketing dixital y comerciu electrónicu. La páxina ufierta, amás, la posibilidá d'inscribise directamente nellos al traviés del correspondiente formulariu.

   Icono gráfico alusivo al tipo de archivo Audiu (Audiu: 506 Kb) (n'español)

Información sobre el documento

© Copyright 2006. Gobiernu del Principau d'Asturies