Gobiernu del Principau d'Asturies

Asturies, muncho más cerca

Tas en

Asturias.es El Gobiernu d'Asturies convoca'l Concursu Bones Práctiques de ...
 

Aniciu

El Gobiernu d'Asturies convoca'l Concursu Bones Práctiques de Vivienda 2019 pa promover esperiencies innovadores

El plazu pa presentar iniciatives va tar abiertu hasta'l 11 d'ochobre. Pueden participar conceyos, empreses, organismos, fundaciones, comunidaes de propietarios, alministradores de finques y entidaes públiques que trabayen nesti ámbitu

11/09/2019

El Gobiernu d'Asturies convocó'l Concursu Bones Práctiques de Vivienda 2019 pa promover la innovación y identificar soluciones a los retos que se planteguen n’ámbitu de la vivienda social. Esti certame pretende divulgar, reconocer y compartir idees, programes y esperiencies que se lleven a cabu con éxitu nel Principáu.

El plazu pa presentar iniciatives va tar abierto hasta'l próximu 11 d'ochobre y les bases pueden consultase na web www.vipasa.info.

El concursu, nel que pueden participar los 78 conceyos asturianos, asina como empreses, organismos, fundaciones, comunidaes de propietarios, alministradores de finques y entidaes públiques que trabayen n’ámbitu de la vivienda social o asequible, ta promovíu pola Dirección Xeneral de Vivienda, dependiente de la Conseyería de Derechos Sociales y Bienestar.

Toles candidatures habrán cumplir, pelo menos, unu d’estos requisitos: fomentar la vivienda asequible, apostar pola intervención social y comunitaria, l'accesibilidá, la eficiencia enerxética y la igualdá; desenvolver un proyectu innovador y sostenible y impulsar la participación o promover midíes innovadores rellacionaes cola vida comunitaria, tales como l'usu de zones comunes o la convivencia.

El ganador va conocese'l 13 de payares y mientres el primer trimestre del 2020 van celebrase unes xornaes de divulgación nacional y internacional de la iniciativa gallardonada y del restu de les presentaes al concursu. L'actu va tener llugar na Casa Conceyu del conceyu nel que se desenvuelva'l proyectu ganador, al que se-y va entregar tamién una distinción.

 

Información sobre el documento

© Copyright 2006. Gobiernu del Principau d'Asturies