Gobiernu del Principau d'Asturies

Asturies, muncho más cerca

Tas en

Asturias.es Temes Ociu y tiempo llibre Les estaciones d’esquí zarren la temporada con 95.000 usuarios y ...
 

Ociu y tiempo llibre

Les estaciones d’esquí zarren la temporada con 95.000 usuarios y una recaudación de más de 1,3 millones pola venta de forfaits

Un total de 5. 830 alumnos de 153 centros educativos participaron anguaño na Selmana Blanca en Valgrande-Payares y Fontes d’Iviernu

D'esquierda a derecha: El director de la estación de Fontes d'Iviernu, Jorge Fernández; el viceconseyeru de Cultura y Deporte, Vicente Domínguez, y el director de la estación Valgrande-Payares, Javier Martínez

23/04/2019

Les estaciones d’esquí asturianes rexistraron esta temporada 94.996 usuarios y una recaudación de 1.320.980 euros pola venta de forfaits. Les cifres tuvieron condicionaes por un retrasu de cuasimente dos meses nel principiu de la temporada al respective de la fecha oficial d’apertura pola falta de condiciones meteorolóxiques afayadices pa la práctica del esquí.

Valgrande-Payares, qu’abrió les pistes el 20 de xineru, rexistró 41.983 usuarios, tuvo una apertura efectiva de 85 díes y tuvo zarrada 51 por falta de nieve, 5 por temporal y 2 pola avería del remonte principal. La estación l.leniza rexistró una media de 494 usuarios por día, y recaudó 650.855 euros pola venta de forfaits.

Pela so parte, Fontes d’Iviernu abrió’l 21 de xineru, rexistró 53.013 usuarios, tuvo una apertura efectiva de 86 díes y tuvo zarrada 52 por falta de nieve, 4 por temporal y ún por avería del remonte principal. L’equipamientu ayerán rexistró una media de 616 usuarios por día y ingresó 670.125 euros pola venta de forfaits.

Les dos estaciones emitieron 1.784 abonos, de los que 1.335 foron de prepago y 449, normales.

Amás, la Selmana Blanca aumentó esti cursu los sos rexistros, cola participación de 5.830 alumnos de 153 centros educativos. Fontes d’Iviernu acoyó 3.432 estudiantes (récord na estación) de 84 escueles, con un promediu d’estancia de 2,91 díes por alumnu, lo que supón 10.001 xornaes en total. Valgrande-Payares tuvo 2.398 escolinos de 69 centros y una media de 2,85 díes por alumnu, lo que suma 6.842 xornaes.

 

Información sobre el documento

© Copyright 2006. Gobiernu del Principau d'Asturies