Gobierno del Principado de Asturias

Asturias, mucho más cerca

Estás en

Aniciu El Principáu invierte 54.000 euros na igua de la cai San ...
 

Aniciu

El Principáu invierte 54.000 euros na igua de la cai San Sebastián de Tapia, una de les víes principales de la villa

El viceconseyeru d’Alministraciones Públiques, Álvaro Álvarez, visita la obra recién acabada, qu’anovó un trechu de 72 metros del vial

15/07/2017

El viceconseyeru d’Alministraciones Públiques, Álvaro Álvarez, visitó güei les obres de meyora de la cai San Sebastián, en Tapia. Los trabayos, que s’allargaron dos meses, supunxeron una inversión de 54.047 euros.

Álvarez valoró l’aportación del Principáu p’ameyorar una de les víes principales de la capital del conceyu. “Trátase d’una cai que da accesu a una de les partes más tradicionales del nucleu urbanu de Tapia”, sorrayó.

El viceconseyeru tuvo acompañáu pol alcalde del conceyu, Enrique Fernández, y pol director xeneral d’Alministración Local, Ricardo Suárez.

Los trabayos, acabante terminar, consistieron na renovación dafechu de pavimentu a lo llargo d’un tramu de 72 metros. Amás, soterráronse les canalizaciones del allumáu y la telefonía y instalóse una rede nueva de suministru d’agua potable, aparte de delles boques de riegu.

Información sobre el documento

© Copyright 2006. Gobierno del Principado de Asturias