Gobiernu del Principau d'Asturies

Asturies, muncho más cerca

Tas en

Asturias.es Temes Investigación Trés empreses asturianes moces ganen ún de los premios ...
 

Investigación

Trés empreses asturianes moces ganen ún de los premios nacionales del programa Ances Open Innovation

Táctica TIC, Sens3r y Soar Ingeniería van desenvolver proyectos tecnolóxicos pa les compañíes Aceites Maeva, Sacyr y SKF

24/09/2020

Trés empreses asturianes resultaron ganadores na edición de los premios nacionales Ances Open Innovation, que se falló esta mañana nun alcuentru online. Les startup Táctica TIC, Sens3r y Soar van desenvolver proyectos tecnolóxicos pa les compañíes tractores Aceites Maeva, Sacyr y SKF, respectivamente.

Esti programa trata de sofitar la medría de compañíes innovadores pequeñes. Pa eso, firmes líderes nel so ámbitu proponen retos tecnolóxicos a los que cada startup tien que dar una solución. Son les grandes tractores les qu’escueyen la meyor propuesta.

Más allá de los 500 euros del premiu en metálico, el gallardón abre les pymes la oportunidá d’establecer una collaboración con una gran empresa.

Nesta tercer edición, baxo la coordinación de Cristina Fanjul, directora del Centru Européu d’Empreses y Innovación (CEEI) y vicepresidenta d’Ances (Asociación Nacional de CEEI), llegaron a la final 24 entidaes, cinco d’elles asturianes (Abamobile, Hidritec y la Fundación Idonial, amás de los ganadores del certame).

Participaron nueve grandes empreses tractores: Abbot, Aceites Maeva, Capsa Vida (Central Lechera Asturiana), Informática El Corte Inglés, Sacyr, Skf, Soltec, Symborg y Tereos; empreses de primer nivel de los ámbitos agroalimentariu, biotecnolóxicu, construcción y industrial.

Más información: www.ancesopeninnovation.com

Información sobre el documento

© Copyright 2006. Gobiernu del Principau d'Asturies