Gobiernu del Principau d'Asturies

Asturies, muncho más cerca

Tas en

Asturias.es Gobiernu L’HUCA incrementa la resistencia de las ventanes de la planta de ...
 

Gobiernu

L’HUCA incrementa la resistencia de las ventanes de la planta de hospitalización de Salú Mental pencima de los requerimientos de seguridá

- L’ informe técnicu atribúi’l sucesu que se produció la pasada selmana a un fuerte golpe d'un paciente que forzó los pasadores de seguridá

14/08/2019

   -  La xerencia del área IV ta a la espera del informe de la policía científica

L'Hospital Universitariu Central d'Asturies (HUCA) ta incrementando la resistencia de les ventanes de la planta d'hospitalización de Salú Mental con actuaciones bien pencima de los requerimientos actuales de seguridá, tres el sucesu de la pasada selmana.

L'actuación, que consiste en reforzar la seguridá d'estos ventanales con anclaxes a la fachada, yá se llevó a cabu na ventana pola que se tiró'l vienres pasáu el paciente ingresáu na planta 5ª del bloque C del edificiu d'hospitalización y prevese que tea rematada'l vienres en tol bloque.

A la espera del informe de la policía científica, la xerencia del área IV cuenta col informe técnicu, qu'atribúi l'apertura de dicha ventana “a un fuerte golpe xeneráu pol paciente que sacó de la so posición los pasadores de seguridá”, a pesar de que'l ventanal taba clausuráu. El documentu recueye que les ventanes cumplen colos criterios de calidá y seguridá, y cunten con resistencia pa cargues superiores a 190 kilos por metru cuadráu.

L'incidente de la selmana pasada ye l'únicu d'estes característiques rexistráu dende l'apertura del centru hospitalariu en 2014.

 

Información sobre el documento

© Copyright 2006. Gobiernu del Principau d'Asturies