Gobiernu del Principau d'Asturies

Asturies, muncho más cerca

Tas en

Asturias.es La fiscalía dixital, que permite la tramitación y consulta ...
 

Aniciu

La fiscalía dixital, que permite la tramitación y consulta electrónica completa de los espedientes, va implantase n’Asturias del 16 de payares p’arriba

El portal web de la sede xudicial en llinia va echar a andar el día 6 p’axilizar la comunicación ente l’Alministración de xusticia y la ciudadanía

18/10/2020

La fiscalía dixital, la ferramienta que faltaba para facer posible la tramitación electrónica completa de los espedientes xudiciales, va empezar a enllantase n'Asturies el 16 de payares, según alcordaron la Viceconseyera de Xusticia, Encarnación Vicente, y la Fiscal Superior d'Asturies, María Esther Fernández, col Ministeriu de Xusticia.

Según el calendariu previstu, rematada yá la implantación nos órganos xudiciales del programa xusticia dixital, ye'l momentu d'empezar cola implantación d'esta ferramienta na fiscalía. En primer llugar va aplicase na Fiscalía Superior d'Uviéu para darréu estendese al restu.

Con esti programa, les fiscalíes van disponer de tramitación electrónica a lo llargo de tol ciclu de vida del asuntu que traten. Tamién va ser posible l'intercambiu d'información colos órganos xudiciales. Ente otres meyores, va traer l'amenorgamientu progresivu del consumu de papel y l'aumentu de la seguridá, gracies a la incorporación de la firma electrónica nos dictames.

Primero de la implantación y puesta en funcionamientu de la ferramienta, la Viceconseyería de Xusticia va encargase d’impartir la formación afayadiza a tolos usuarios. Pa ello va cuntase con una empresa especializada que va asumir esta xera dos años con un presupuesto de 170.000 euros

Amás, el Gobiernu del Principáu y Ministeriu de Xusticia alcordaron que'l portal web de la sede xudicial electrónica entre en funcionamientu'l 6 de payares. Esta ferramienta va facer posible la comunicación en llínea ente l'Alministración de xusticia y la ciudadanía, mesmo qu’ente persones xurídiques y peritos xudiciales, con garantíes de control y seguridá a lo llargo de tol procesu. Tamién va facer posible facer consultes sobre l'estáu de los espedientes, presentar escritos, quexes y suxerencies, xuicios verbales, informes periciales y actos de conciliación.

El portal va suponer un importante aforru nos costos de desplazamientos, cuidao qu’axunta nun únicu puntu d'accesu tou los procedimientos xudiciales. Tamién va amenorgar el tiempu del procesu de tramitación.


Icono gráfico alusivo al tipo de archivo Audiu (Audiu: 775 Kb) (n'español)

Información sobre el documento

© Copyright 2006. Gobiernu del Principau d'Asturies