Gobiernu del Principau d'Asturies

Asturies, muncho más cerca

Tas en

Asturias.es Temes Infraestructures y territoriu El Gobiernu d’Asturies entama la prolongación del colector de ...
 

Infraestructures y territoriu

El Gobiernu d’Asturies entama la prolongación del colector de Bimenes y la reforma del saneamientu, que va beneficiar a 1.800 vecinos

Los trabayos cunten con una inversión de 2,8 millones y un plazu d'execución de 30 meses. Les obres van ameyorar la situación medioambiental de los ríos Pra y Fuensanta al dexar de recibir agües residuales doméstiques

16/07/2019

El Gobiernu d'Asturies va empezar el próximu llunes, día 22, les obres para enllargar 8,5 kilómetros el colector de Bimenes al traviés de la vega del ríu Pra y hasta la redolada de Cecea (Nava), onde se va xunir al interceptor del ríu Piloña, que remata na depuradora de Ricao (Parres).

L'actuación, que va beneficiar a 1.800 habitantes, foi axudicada pola Xunta de Saneamientu del Principáu en 2.814.375 euros y tien un plazu d'execución de 30 meses.

Los trabayos, que van empezar na cabecera del colector, asitiada ente La Ponte y Piloñeta, va incorporar a lo llargo del so percorríu les redes de saneamientu de les poblaciones navetes próximes: Priandi, Gradátila, Cezosu, Basoréu, Piloñeta, Ovín, Oméu y Buyeres. D'esta miente, va evitase que les agües residuales doméstiques de les localidaes de Pra o Fuensanta o a los sos afluentes, cola consiguiente meyora ambiental.

El colector actual recibe les agües residuales de les principales poblaciones yerbates y remata nes proximidaes de La Ponte (Nava). Nun puntu previu, allugáu en Bimenes, construyóse en 2017 una depuradora provisional, a la qu'anguaño se deriven los caudales recoyíos pol colector pal so tratamientu y posterior arramáu al ríu.

En zones entemedies del actual trazáu existen tamién un alliviaderu y una estación de bombéu con un tramu n’impulsión. El llargor total de los ramales de recoyida de les localidaes de Nava ye de 1.540 metros. Toles conducciones van executase con tubería de PVC, a esceición del tramu n’impulsión, que va utilizar tubería de fundición dúctil.

 

Información sobre el documento

© Copyright 2006. Gobiernu del Principau d'Asturies