Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Ayudes al Sector Agrariu El Principáu concede más de 98.000 euros n'ayudes a llabradores ...
 

Ayudes al Sector Agrariu

El Principáu concede más de 98.000 euros n'ayudes a llabradores y ganaderos para la contratación de los seguros agrarios de marzu

Estes subvenciones constitúin un importante preséu pa favorecer la profesionalización del sector

06/05/2020

El Boletín Oficial del Principáu (Bopa) publica güei la resolución pola que se resuelve la convocatoria de subvenciones pa la contratación de les llinies de seguru agrariu combináu correspondientes a marzu, por un importe de 98.696 euros. Estes ayudes, de les que se beneficien llabradores y ganaderos, faciliten qu'estos profesionales nun tengan que facer frente al pagu total de les pólices. Al tiempu, favorecen la profesionalización del sector al permitir encarar les perdes causaes nes esplotaciones por factores meteorolóxicos adversos, accidentes o enfermedaes del ganáu.

Los destinatarios de les subvenciones son persones físiques o xurídiques con esplotaciones allugaes nel Principáu, que suscribieren una póliza anguaño d'ente les llinies incluyíes nos planes de seguros agrarios vixentes pa 2020, publicaos pola Entidá Estatal de Seguros Agrarios y aprobaos pol Conseyu de Ministros, o con pólices pendientes de regularizar.

La suscripción del seguru realízase namás al traviés de les entidaes autorizaes pol Ministeriu de Facienda y Alministraciones Públiques ya incluyíes na Agrupación Española d'Entidaes Aseguradores de los Seguros Agrarios Combinaos (Agroseguro) o al traviés de los axentes autorizaos. Too ello llévase a cabu en función de la llei 87/1978, de 28 d'avientu, de Seguros Agrarios Combinaos y del restu de la normativa d'aplicación.

La convocatoria tresañal d'estes ayudes aprobóse n'avientu de 2019 so la modalidá de gastu anticipáu. L'importe autorizáu xube a 800.000 euros, de los que 700.000 correspuenden a esti añu y 100.0000, al próximu.

Información sobre el documento

© Copyright 2006. Gobiernu del Principau d'Asturies