Gobiernu del Principau d'Asturies

Asturies, muncho más cerca

Tas en

Asturias.es Infraestructures pon a disposición d'Avilés y Corvera el tramu ...
 

Aniciu

Infraestructures pon a disposición d'Avilés y Corvera el tramu de la sienda cicloturista ente L’Hospitalillo y Trasona, yá acondicionáu

El conseyeru Fernández Fano informa al alcalde de Corvera de les meyores nel saneamientu de la cuenca del ríu Alvares, en Solís y Cancienes

El consejero de Infraestructuras, Ordenación del Territorio y Medio Ambiente, con responsables de la corporación municipal de Corvera, durante la visita a la senda

26/06/2019

El conseyeru d'Infraestructures, Ordenación del Territoriu y Mediu Ambiente, Benigno Fernández Fano, recibió güei les obres d'acondicionamientu de la sienda piatonal y cicloturista que pasa peles marxénes de la ría d'Avilés, ente la ponte de L’Hospitalillo y Trasona, tres la subsanación de los desperfectos causaos pol pasu del tiempu. Tres l'actu alministrativu fíxose entrega de la mesma a los Conceyos de Corvera y Avilés, que se van facer cargu del caltenimientu.

La sienda, que yá ta abierta al públicu, empieza nes cercaníes de L’Hospitalillo y termina na redolada del campu de fútbol de La Marzaniella, en Corvera d'Asturies. Con un llargor próximu al kilómetru y mediu, ye utilizada diariamente por más de 1.000 persones. N’El Hospitalillo enllaza colos dos kilómetros que falten hasta la ponte de San Sebastián y el centru cultural Niemeyer. Pasa ente la ría y terrenos industriales.

Los trabayos pa reparar el firme incluyeron la retirada del pavimentu deterioráu y la so reposición, tanto de la zahorra inferior como del tremáu asfálticu de característiques asemeyaes al firme exstente. Otramiente, retiráronse otros elementos en mala traza como los bancos y les distintes chapes decoratives y la valla de madera, que se repunxo con 150 metros nel entamu, so la ponte d’El Hospitalillo, únicu tramu que precisa d'esta protección. Al empiezu de la sienda, onde pasa so la ponte, asitiáronse dos proyectores led de 100W cada unu, previa instalación eléctrica so tubu de PVC. Les actuaciones supunxeron un desembolsu próximu a los 50.000 euros (49.381,85 euros).

Na visita, Fernández Fano informó al alcalde de Corvera, Iván Fernández, de les meyores na llicitación de les obres de saneamientu de la cuenca del ríu Alvares, en Solís (La Sota, Agüera, Solís y El Pontón) y Cancienes (Taúxu y Cancienes Norte), con una inversión de 1.750.000 euros. El 21 de xunu axuntó la mesa que va valorar les ufiertes.

 

   Icono gráfico alusivo al tipo de archivo Audiu (Audiu: 296 Kb) (n'español)

Información sobre el documento

© Copyright 2006. Gobiernu del Principau d'Asturies