Gobiernu del Principau d'Asturies

Asturies, muncho más cerca

Tas en

Asturias.es El Principáu pon en marcha un plan d’actividaes pa esparder la ...
 

Aniciu

El Principáu pon en marcha un plan d’actividaes pa esparder la Axenda 2030 en collaboración col Club Asturianu de Calidá

El programa escomienza’l miércoles y va allargase hasta’l 27 de payares. “Ye una ferramienta útil que va ayudar a revisar, repensar y ellaborar polítiques públiques pa una Asturies más sostenible y más xusta”, asegura’l director xeneral de Gobernanza Pública

28/09/2020

El Gobiernu del Principáu punxo en marcha, al traviés de la Conseyería de Presidencia, el programa d'actividaes gratuites Asturies na Axenda 2030, que contién acciones de formación, sensibilización ya intercambiu d'esperiencies y networking para dar a conocer los Oxetivos de Desenvolvimientu Sostenible (ODS) y contribuyir a la so consecución na comunidá dende les empreses y organizaciones, al igual qu’a nivel individual.

Les actividaes, programaes y desenvueltes en collaboración col Club Asturianu de Calidá, van empezar el miércoles y van estendese hasta'l 27 de payares. El programa inclúi diversos talleres virtuales y xornaes que van tratar, ente otros asuntos, los siguientes:


  • ¿Qué ye l’Axenda 2030?
  • ¿Cuálos son los Oxetivos de Desenvolvimientu Sostenible? Metes, Indicadores…
  • ¿Cómo pue contribuyise a la consecución de los ODS?
  • ¿Cómo puen midir les empreses la contribución que faen a caún de los ODS?
  • Ferramienta pa facilitar la contribución a cada ODS.
  • Bones práctiques concretes d’empresas punteres.
  • L’Axenda 2030 énte la covid-19.
  • Contribución d’Asturies a l’Axenda 2030.

Los 17 objetivos marcaos por Naciones Unidas son la fueya de ruta pa consiguir un planeta más sostenible y una sociedá más xusta. Nel casu d’Asturies, gracies a l’Axenda 2030 pudo impulsase una planificación qu'incide na ordenación del territorio alredor de l’área central, iniciatives d'economía circular y un planiamientu urbanísticu respetuosu col mediu ambiente y la movilidá sostenible. Tamién va falase de los servicios públicos de calidá, l'impulsu a acciones pa una economía y un turismu sostenibles, la transición enerxética xusta, la innovación y la ciencia, l'atención a les zones rurales y la despoblación.

Para llevar a bon fin estos propósitos, el Principáu ta ellaborando una estratexa asturiana para l'Axenda 2030 abierta a la participación ciudadana, que trabaya, ente otres, con entidaes locales, la Universidá d'Uviéu, la sociedá civil y el sector priváu.

El director xeneral de Gobernanza Pública, Tresparencia, Participación Ciudadana y Axenda 2030, José Antonio Garmón, destaca que l'Axenda 2030 “supón el compromisu más ambiciosu y esixente para la sociedá asturiana y los sos oxetivos son una guía del trabayu políticu”. “La erradicación de la probeza y les desigualdaes, el progresu económicu nun marcu de desenvolvimientu sostenible y de protección del nuestru entornu, y la promoción d'una sociedá más solidaria y xusta conformen un ideariu compartíu pola ciudadanía”, amiesta.

Nesti sentíu, considera que l’Axenda 2030 ye “una ferramienta útil” que “va ayudar a revisar, repensar y ellaborar polítiques públiques pa llograr una Asturias más sostenible y más xusta”.

Más información: https://clubcalidad.com/agenda2030asturias/

Información sobre el documento

© Copyright 2006. Gobiernu del Principau d'Asturies