Gobiernu del Principau d'Asturies

Asturies, muncho más cerca

Tas en

Asturias.es La Conseyería de Sanidá informa a pacientes y personal del Sespa ...
 

Aniciu

La Conseyería de Sanidá informa a pacientes y personal del Sespa sobre la normativa nueva de tratamientu de datos

El Serviciu de Salú va instalar cartelos en tolos sos centros pa divulgar l'adaptación a los términos llegales comunitarios

18/07/2019

La Conseyería de Sanidá punxo en marcha una campaña informativa sobre la normativa nueva en materia de protección de datos personales, dirixida tanto a profesionales como usuarios del Serviciu de Salú del Principáu (Sespa), cola mira de dar a conocer los derechos y obligaciones qu'establez la regulación europea.

Xunto cola campaña, la conseyería estableció un protocolu pa solicitar les autorizaciones espreses que sían necesaries pal trabayu habitual del Sespa.

Cola mira de notificar a usuarios y pacientes los términos llegales nuevos, el Serviciu de Salú va instalar cartelos informativos en tolos sos centros. Nel casu de qu’una persona quiera exercer los sos derechos d'accesu, rectificación, supresión, llimitación del tratamientu y oposición tendrá que lo facer al traviés del Serviciu d'Atención al Usuariu de caúna de les árees sanitaries.

Tamién va ser informao'l personal del Sespa, cola mira de llograr la so autorización, naquellos casos en que sía menester, y da-yos a conocer los sos derechos.

Sanidá creó un grupu de trabayu multidisciplinar, el Comité de Seguridá de Sistemes d'Información de Salú del Principáu (Cossispa), encargáu d'asesorar y sofitar midíes que dexen una adaptación rápida a la normativa nueva, y pa supervisar la so implantación y cumplimientu. Trátase d'un órganu colexáu integráu por profesionales de distintos ámbitos.

Puede accedese a tola información sobre la normativa nueva nel enllaz https://bit.ly/2LoLoud

 

   Icono gráfico alusivo al tipo de archivo Información a pacientes (Pdf: 294 Kb) (n'español)
   Icono gráfico alusivo al tipo de archivo Protección de datos (Pdf: 248 Kb) (n'español)

Información sobre el documento

© Copyright 2006. Gobiernu del Principau d'Asturies