Gobiernu del Principau d'Asturies

Asturies, muncho más cerca

Tas en

Asturias.es El Principáu crea la Cátedra InnovA pa evaluar l’impactu ...
 

Aniciu

El Principáu crea la Cátedra InnovA pa evaluar l’impactu económicu y social de la innovación y ellaborar un mapa del talentu

Ciencia impulsa esta iniciativa de la mano del grupu REGIOlab de la Universidá d’Uviéu. El proyectu inclúi el desenvolvimientu d’un observatoriu pa midir l’esfuerzu innovador del texíu productivu asturianu y un programa de tutela d’estudiantes con espedientes brillantes. El conseyeru Borja Sánchez destaca la creación d’una rede nel esterior que va dar sofitu a científicos e investigadores asturianos

De izqda. a dcha.: el director general de Innovación, Investigación y Transformación Digital, Iván Aitor Lucas; los coordinadores de la cátedra: Fernando Rubiera y Esteban Fernández, y el consejero de Ciencia, Innovación y Universidad, Borja Sánchez

19/10/2020

El Principáu pon a andar la Cátedra de la Innovación n’Asturies (C_InnovA), que va midir l’impactu económicu y social de l’actividad innovadora de les empreses na comunidad, va impulsar la formación de talentu y va favorecer la tresferencia de conocimientu. La Conseyería de Ciencia, Innovación y Universidá desenvuelve esta iniciativa amás del Llaboratoriu d’Análisis Económicu Rexonal REGIOlab, de la Universidá d’Uviéu.

La Cátedra InnovA va desenvolver un Observatoriu de la Innovación que va realizar un siguimientu de les polítiques d'I+D+i de los distintos axentes del sistema científicu-tecnolóxicu asturianu, con indicadores para midir el so esfuerzu inversor y el so impactu sobre'l texíu productivu. Periódicamente, va presentar analisis y mapes de la innovación empresarial por territorios.

El conseyeru de Ciencia, Innovación y Universidá, Borja Sánchez, destaca tamién la ellaboración d'un mapa del talentu que'l Principáu esportó fuera de la comunidá y del país, con un doble oxetivu. Per una parte, va facilitar la puesta en marcha d'un programa de mentores que van tutelar a estudiantes con espedientes académicos brillantes y van impulsar el so ésitu profesional; por otru, va crear una rede nel esterior que va sirvir de sofitu a la collaboración público-privada y va dar soporte a científicos ya investigadores asturianos.

La constitución de la cátedra universitaria va formalizase nos próximos díes cola firma d'un conveniu ente la sociedá Xestión d'Infraestructures Públiques de Telecomunicaciones del Principáu d'Asturies (Xitpa), órganu que depende de la Conseyería de Ciencia, y l'Universidá d'Uviéu.

La Cátedra de la Innovación n'Asturies va tar integrada por investigadores del grupu REGIOlab con una llarga trayectoria dedicada al análisis, evaluación y cuantificación de l'actividá innovadora d'empreses y instituciones nel Principáu. Va cuntar, amás, con una dotación presupuestaria de 65.340 euros pa esti añu, cantidá que va poder revisase en caún de los cuatro exercicios de vixencia del conveniu.

Les cátedres institucionales y d'empresa son un preséu de collaboración coles universidaes que faen posible desenvolver actividaes conxuntes d'investigación, formación y tresferencia de conocimientu con repercusión directa na sociedá.


Icono gráfico alusivo al tipo de archivo Audiu (Audiu: 2 Mb) (n'español)

Información sobre el documento

© Copyright 2006. Gobiernu del Principau d'Asturies