Gobiernu del Principau d'Asturies

Asturies, muncho más cerca

Tas en

Asturias.es El Principáu rexistra 4.567 paraos menos que va un añu y suma yá ...
 

Aniciu

El Principáu rexistra 4.567 paraos menos que va un añu y suma yá 62 meses de baxaes interanuales siguíes

 La directora del Serviciu Públicu d’Empléu, Luisa Pérez, considera que l’aumentu del desempléu en payares respuende al comportamientu avezáu del mercáu llaboral nestes feches, asemeyáu al de les comunidaes vecines

04/12/2018

La directora del Serviciu Públicu d’Empléu, Luisa Pérez, destacó güei la mengua interanual del desempléu n’Asturies. Colos datos de payares, el Principáu encadena más de cinco años siguíos d’amenorgamientu. En concreto, 62 meses.

Asturies rexistró’l mes pasáu 73.357 paraos, 4.567 menos qu’en payares del 2017, lo que supón una cayida interanual del 5,86 %. Trátase del meyor datu rexistráu en payares dende’l 2009.   

En comparanza con ochobre, el paru aumentó n’Asturies en 740 persones (1,02 %). Luisa Pérez considera que se trata del comportamientu avezáu del mercáu de trabayu, asemeyáu al esperimentáu poles comunidaes autónomes vecines.

L’amenorgamientu del paru interanual diose en tolos grupos y sectores d’actividá, anque destaquen les baxaes ente los homes (-7,43 %), nel grupu d’edá de 25  a 45 años (-9,12 %) y, por sectores, na industria (-7,04) y la construcción (-15,50).

La medría del paru en payares diose en tolos sectores sacante na industria. Nel sector servicios, concéntrase, sobre manera, n’agospedamientu y comida y bébora, amás d’en tresporte, publicidá y estudios de mercáu, servicios a edificios y actividaes de xardinería.

Pela so parte, el númberu d’afiliaos a la seguridá social medró en 3.263  persones en términos interanuales (0,91 %), hasta algamar los 363.597 cotizantes. En comparanza col mes d’ochobre, la filiación amenorgó en 316 persones (0,09 %).

Nel conxuntu del país, el paru amenorgó un 0,06 % al respective del mes anterior y un 6,37 % en rellación a payares del 2018.

 

Información sobre el documento

© Copyright 2006. Gobiernu del Principau d'Asturies