Gobierno del Principado de Asturias

Asturias, mucho más cerca

Estás en

Aniciu Temes Vivienda La renta media de las 9.542 viviendes públiques asturianes ...
 

Vivienda

La renta media de las 9.542 viviendes públiques asturianes asítiase en 81 euros mensuales

La Conseyería de Derechos Sociales y Bienestar va aumentar anguaño'l parque públicu con 60 nuevos inmuebles y una inversión de 4,5 millones. “Asturies consolidóse a nivel européu como un referente en política habitacional”, asegura la conseyera Melania Álvarez. Vipasa publica la memoria d'actividá de 2019, que yá se puede consultar na so páxina web

09/05/2020

La renta media que s'abona pol arriendu d'una vivienda pública n'Asturies ye de 81 euros al mes y el parque públicu rexonal algama yá los 9.542 inmuebles. Anguaño van sumase otres 60 viviendes más, gracies a una inversión que va rondar los 4,5 millones.

Estos son dalgunos de los datos que recueye la memoria de la empresa pública Viviendes del Principáu, S.A (Vipasa) correspondiente a 2019, qu'acaba de publicase y que yá se puede consultar na web www.vipasa.info

Nel pasáu exerciciu, la Conseyería de Derechos Sociales y Bienestar dedicó 2,3 millones a arreglos de viviendes y zones comunes del parque públicu. La inversión enfocada a la rexeneración urbana y el caltenimientu y meyora de les viviendes públiques sigue anguaño.

L'informe d'actividaes recueye tamién la meyora del barriu de San José en Lada (Llangréu), onde se tán invirtiendo siete millones p'anovar 258 viviendes. Esta actuación foi escoyida pol Observatoriu Européu de la Vivienda como exemplu de rexeneración urbana.

Les ayudes pal arriendu de viviendes privaes cuntaron l'últimu exerciciu con 7,6 millones, colos que s'emprestó sofitu a 4.742 persones que pudieron sufragar hasta'l 50% de los sos recibos.

Tocantes a los programes d'innovación en materia de vivienda, destaca'l programa Housing First pa persones ensin llar, que tamién foi reconocíu a nivel européu y del que se beneficien yá 32 persones, o la implantación d'un innovador sistema d'autoxestión enerxética nuna comunidá con 54 viviendes n'Uviéu.

Los planes pa la erradicación del chabolismu y infravivienda incluyeron en 2019 actuaciones tan relevantes como la eliminación de los núcleos chabolistas de Piñeres, en Carreño; Camplengu, en Llanes, y El Cascayu, n'Uviéu, nes que s'invirtieron 71.292 euros y que dexaron reasitiar en viviendes dignes a 33 persones.

La conseyera de Derechos Sociales y Bienestar, Melania Álvarez, destacó les polítiques de vivienda: “Asturies consolidóse a nivel européu como un referente na so política habitacional pol so apueste en favor de la vivienda algamadiza, accesible y sostenible”, afirmó.

Información sobre el documento

© Copyright 2006. Gobierno del Principado de Asturias