Gobiernu del Principau d'Asturies

Asturies, muncho más cerca

Tas en

Asturias.es Estudiar n'Asturies La Conseyería d'Educación convoca beques pal alumnáu de másteres ...
 

Estudiar n'Asturies

La Conseyería d'Educación convoca beques pal alumnáu de másteres universitarios y a estudiantes Erasmus+

 La Dirección Xeneral d'Universidaes publica la relación de beneficiarios d'ayudes pa estancies formatives en Canadá

27/06/2016

La Conseyería d'Educación y Cultura va convocar nos díes próximos les beques pa cursar estudios oficiales de máster universitariu y ayudes pa los estudiantes del Programa Erasmus+.

Les beques a les que van poder optar alumnos de másteres de les universidaes d'Uviéu y d'Educación a Distancia (UNED) que cumplan los requisitos xuben a 2.000 euros per persona pa los matriculaos a tiempu completu. La cuantía total de la convocatoria xube a 100.200 euros. Mientres el cursu pasáu, 54 alumnos beneficiáronse d'esta beca y, yá que la cuantía de la convocatoria se cantién nel 2016, prevése un númberu similar de beneficiarios anguaño.

Polo que se refier a les ayudes pa los estudiantes del Programa Erasmus+, convóquense cola mira d'incrementar la financiación de les estancies nel estranxeru de los beneficiarios d'esti proyectu y suponen 200 euros adicionales per cada mes de movilidá. La cuantía total de la convocatoria xube a 215.000 euros. El cursu pasáu, 158 alumnos beneficáronse d'estes ayudes y tamién s'espera un númberu asemeyáu anguaño, una y bones la cuantía económica va ser la mesma.

El plazu de presentación de les solicitúes va tar abiertu en dambos casos hasta'l 10 de setiembre próximu.

Amás, la Conseyería d'Educación publica esta selmana la relación d'alumnos beneficiarios de les ayudes pa la financiación parcial d'un cursu de llingua inglesa nel estranxeru. Esta midida dexa que 122 estudiantes asturianos complementen la so formación, mientres cuatro selmanes, nun cursu d'inglés intensivu en Canadá. Los beneficiarios abonen ente 600 y 1.600 euros, según el casu, y l'Alministración autonómica aporta'l restu hasta completar el costu total.

Información sobre el documento

© Copyright 2006. Gobiernu del Principau d'Asturies