Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Ayudes al Sector Agrariu El Principáu abre'l plazu pa solicitar les ayudes de la Política ...
 

Ayudes al Sector Agrariu

El Principáu abre'l plazu pa solicitar les ayudes de la Política Agrícola Común de la convocatoria de 2020

Les subvenciones xuben a más de 82 millones y los plazos pa realizar los pidimientos, modificaos pola crisis sanitaria, van allargase hasta'l 15 de xunu

13/04/2020

El Boletín Oficial del Principáu (Bopa) publica güei la convocatoria d'ayudes de la Política Agrícola Común (PAC) correspondientes a esti añu, que xuben a 82.108.955 euros. Quepe destacar que'l plazu pa presentar les solicitúes modificóse pola crisis sanitaria. Asina, anque na resolución espublizada esti llunes apaez que van poder presentase hasta'l 15 de mayu, la Unión Europea yá autorizó de facto la so ampliación un mes más, hasta'l 15 de xunu, lo que se va publicar en teniendo una comunicación oficial al respective.

Les solicitúes tamién pueden tramitase de manera telemática en https://sga.asturias.es .

Les llinies de sofitu de la PAC constitúin un importante preséu pa l'impulsu de les polítiques del Principáu nesti sector, cuidao que contribúin a la viabilidá económica de les ganaderíes y amenorguen el riesgu d'abandonu de l'actividá granible. Amás, apurren un nivel de vida razonable a los profesionales y garanticen la so renta, de la que favorecen la modernización d'esplotaciones, calteniendo'l mediu ambiente y el paisaxe rural.

Les subvenciones convocaes son les siguientes:

- 64.000.000 millones destinaos a la llinia de pagos directos a l'agricultura y la ganadería: 46.500.000 euros con cargu a esti añu y 17.500.000 euros pal siguiente. Trátase d'ayudes de sofitu a les rentes, tán financiaes íntegramente pol Fondu Européu Agrícola de Garantía Agraria ( Feaga) y estrémense en dos grandes bloques: les ensin venceyar a la producción (pagos básicu y verde, y ayuda a la incorporación de moces al campu) y les que sí tán venceyaes a la producción. Estes postreres beneficien, na so mayoría, a esplotaciones que caltienen vaques nodrizas, de vacunu de cebu, vacunu de lleche, ovín y caprino.

- 670.000 euros pa pagos compensatorios a esplotaciones en Rede Natura 2000, cola siguiente distribución d'añalidaes: 500.000 euros con cargu a anguaño y 170.000 pa 2021.

- 33.900 euros pa la conversión y caltenimientu de l'apicultura ecolóxica: 31.900 euros pa 2020 y 2.000 euros pa 2021.

- 197.235 euros destinaos a la conversión y caltenimientu de l'agricultura ecolóxica: 144.850 euros pa 2020 y 52.385, pa 2021.

- 1.438.500 euros pa subvencionar la conversión y caltenimientu de la ganadería ecolóxica: 1.315.500 euros pa esti añu y 123.000, pal próximu.

- 3.507.000 euros dedicaos a los sistemes racionales de pastoréu en superficies d'usu común: 3.268.500 euros pa 2020 y 238.500 pa 2021.

- 10.150.000 euros pa pagos compensatorios a esplotaciones en zones de monte y con llimitaciones naturales significatives: 8.627.500 euros pa 2020 y 1.522.500, pa 2021.

- 200.320 euros destinaos a l'apicultura pa la biodiversidá: 86.550 euros con cargu a esti exerciciu presupuestariu y 113.770, con cargu al próximu.

- 625.000 euros a los plantíos de pumar pa fomentar la biodiversidá: 500.000 euros pa 2020 y 125.000, pa 2021.

- 930.000 euros al caltenimientu de races autóctones en peligru d'estinción: 860.000 euros con cargu al exerciciu presupuestariu 2020 y 70.000 euros pal

.

Información sobre el documento

© Copyright 2006. Gobiernu del Principau d'Asturies