Gobiernu del Principau d'Asturies

Asturies, muncho más cerca

Tas en

Asturias.es Temes Turismu Cuatro turoperadores d'Australia y Nueva Zelanda interésense ...
 

Turismu

Cuatro turoperadores d'Australia y Nueva Zelanda interésense pola ufierta turística d'Asturies na Ruta de La Plata

Los axentes visitaron ocho conceyos integraos nuna rede de cooperación que promociona esti itinerariu

22/10/2019

Cuatro turoperadores procedentes d'Australia y Nueva Zelanda visiten esta selmana los conceyos d'Ayer, L.lena, Mieres, Riosa, Morcín, La Ribera, Llanera y Xixón, nun circuitu entamáu por Turismu d'Asturies y la Rede de Cooperación de Ciudaes en Ruta de La Plata.

El programa incluye tamién la participación d'estos axentes nuna xornada que va tener llugar mañana, miércoles, a partir de les 09:30 hores, nel hotel Abba Playa de Xixón. Nesti alcuentru van tomar contactu con delles empreses asturianes que se sumaron a esta convocatoria p’avanzar escontra alcuerdos comerciales.

La Rede de Cooperación de Ciudaes na Ruta de la Plata ye una asociación voluntaria y ensin ánimu d'arriquecimientu constituyida por localidaes allugaes nesti itinerariu y la so área d'influyencia. El so oxetivu ye dar a conocer los recursos turísticos y revalorizar los atractivos de la vía.

Na rede participa Turespaña xunto con Asturies, Andalucía, Castiella y Llión y Estremadura. En concreto, tán integraos na asociación la Diputación de Cáceres y 28 conceyos: Xixón, Llanera, La Ribera, Morcín, Riosa, Mieres, Ayer, L.lena, La Pola de Gordón, Llión, La Bañeza, Benavente, Zamora, Béjar, Guijuelo, Baños de Montemayor, Hervás, Plasencia, Casar de Cáceres, Aldea del Cano, Mérida, Los Santos de Maimona, Zafra, Calzadilla de los Barros, Fuente de Cantos, Montemolín, Carmona y Sevilla.

Información sobre el documento

© Copyright 2006. Gobiernu del Principau d'Asturies