Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes El Principáu convoca’l xuráu de clasificación de montes ...
 

Agricultura y montes

El Principáu convoca’l xuráu de clasificación de montes vecinales pa facilitar la identificación de la propiedá

Esta iniciativa forma parte del plan de choque qu’impulsa la Conseyería de Desenvolvimientu Rural cola mira d’ameyorar l’aprovechamientu forestal y xenerar riqueza y empléu

14/10/2019

La Conseyería de Desenvolvimientu Rural, Agroganadería y Pesca convoca’l xuráu de clasificación de montes vecinales en mancomún, una de les midíes del plan de choque pa clarificar la propiedá forestal nel Principáu. L’órganu va aconceyar el 4 de payares.

El xuráu va tener qu’analizar, ente otros asuntos, los pidimientos de 17 xuntes vecinales que solicitaron la clasificación de los montes de la so redolada pa poder esplotalos.

El plan de choche ye una iniciativa prioritaria del Gobiernu d’Asturies, qu’aspira a favorecer l’aprovechamientu de tolos recursos forestales. Esta midida va dexar identificar la propiedá de los terrenos, lo que va dar seguranza xurídica a propietarios y xestores, y impulsar procedimientos de concentración y ordenación de montes públicos y privaos, que van ayudar a xenerar riqueza y empléu, amás d’a impulsar la protección contra les quemes forestales.

Nesta llinia, la conseyería tamién va renovar el Conseyu Forestal, órganu onde tán representaos los axentes del sector, p’avanzar depués na actualización del Plan Forestal, que data del 2001. La modificación d’esti documentu va centrase en dar respuesta a les necesidaes reales de producción del territoriu, como por exemplu l’aprovechamientu de la madera como fonte de recursos sostenibles de biomasa enerxético.

Información sobre el documento

© Copyright 2006. Gobiernu del Principau d'Asturies