Gobiernu del Principau d'Asturies

Asturies, muncho más cerca

Tas en

Asturias.es Temes Emplegu Empléu Públicu El Serviciu de Salú publica les calificaciones de les ...
 

Empléu Públicu

El Serviciu de Salú publica les calificaciones de les oposiciones de técnicos especialistes en Llaboratoriu y Anatomía Patolóxica

Los candidatos aprobaos disponen de quince díes a partir de mañana pa presentar l’autobaremu de méritos na plataforma informática ValoraT

01/07/2020

El Serviciu de Salú del Principáu d’Asturies (Sespa) publicó güei les calificaciones definitives de la fase d’oposición del procesu selectivu de Técnicos Especialistes en Llaboratoriu y n’Anatomía Patolóxica.

A la oposición de Técnicos Especialistes de Llaboratoriu presentáronse 921 aspirantes, de los que 296 (el 32,14 %) superaron les pruebes celebraes el pasáu 1 d’avientu. El númberu de places ye 58, de les que 48 son d’accesu llibre y les 10 restantes, de promoción interna.

Pela so parte, 207 candidatos presentáronse’l mesmu día a les pruebes de Técnicos Especialistes d’Anatomía Patolóxica. Sesenta aspirantes superaron la oposición, lo que supón un porcentaxe d’aprobaos d’un 28,99 %. El númberu de places ye 10, la metá pol turnu d’accesu llibre y les demás pol de promoción interna.

A partir de mañana, tolos aspirantes aprobaos disponen d’un plazu de quince díes hábiles pa presentar l’autobaremu de méritos al traviés de la plataforma informática ValoraT, diseñada pa esti fin.

Información sobre el documento

© Copyright 2006. Gobiernu del Principau d'Asturies