Gobiernu del Principau d'Asturies

Asturies, muncho más cerca

Tas en

Asturias.es Información de los Conceyos El Xuráu de Clasificación rexistra cuatro solicitúes nueves de ...
 

Información de los Conceyos

El Xuráu de Clasificación rexistra cuatro solicitúes nueves de declaración de montes vecinales n’Ayande, Casu y Tinéu

El conseyeru de Desenvolvimientu Rural preside la reunión d’esti organismu, qu’entaína nel trámite de los 21 espedientes empezaos. El decretu que regula’l rexistru d’estos terrenos ta pendiente del informe del Conseyu Consultivu pa la so aprobación definitiva

Un momento de la reunión mantenida

17/01/2020

El Xuráu de Clasificación de Montes Vecinales en Mancomún rexistró cuatro solicitúes nueves de declaración, una d’Ayande, otra de Casu y dos de Tinéu. Tamién avanzó na tramitación de los 21 espedientes yá empezaos y nel protocolu d’actuación tocante a pidimientos d’información a afectaos y alministraciones.

Esti organismu, que s’axuntó güei baxo la presidencia del conseyeru de Desenvolvimientu Rural, Agroganadería y Pesca, Alejandro Calvo, alcordó unviar al Boletín Oficial del Principáu d’Asturies (BOPA) la declaración del monte Espiñeira, na parroquia d’Abres (A Veiga), como monte vecinal en mancomún, y informó del estáu de tramitación del Decretu del Rexistru de Montes Vecinales.

Depués de sometese a información pública, esti documentu ta pendiente del informe del Conseyu Consultivu pa la so aprobación definitiva. El decretu ye una de les midíes comprometíes pol Gobiernu del Principáu, nel marcu del plan de choque de clarificación de los recursos forestales, pa identificar la propiedá de los terrenos, dar seguranza xurídica y favorecer los procedimientos de concentración y ordenación de montes públicos y privaos. Con estos oxetivos va ayudar a xenerar riqueza y empléu, amás de favorecer la prevención de les quemes forestales.

Na xunta tamién participaron el director xeneral de Planificación, Infraestructures Agraries y Montes, Fernando Prendes; un lletráu de los Servicios Xurídicos del Principáu, y representantes del Colexu d’Abogaos d’Uviéu y de la Unión de Xuntes Vecinales. Tamién asistieron técnicos de la conseyería y representantes de les xuntes vecinales solicitantes y de les corporaciones locales afectaes que s’amosaron parte nos espedientes.

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies