Gobiernu del Principau d'Asturies

Asturies, muncho más cerca

Tas en

Asturias.es El númberu d'urxencies y ingresos pol gripe nos hospitales ...
 

Aniciu

El númberu d'urxencies y ingresos pol gripe nos hospitales asturianos baxa mientres la fin de selmana

Les árees sanitaries refuercien los sos servicios cola contratación de 83 profesionales de distintes categoríes mientres la fase epidémica de la enfermedá. 203. 551 persones vacunáronse del virus, de los que más de mil recibieron la selmana pasada la profilaxis

13/01/2020

Les ocho árees sanitaries esperimentaron esta fin de selmana un descensu del númberu d'urxencies atendíes por gripe, lo que se tradució nun amenorgamientu de los ingresos en plantes hospitalaries. Asina lo manifestó güei la subdirectora d'Organización y Servicios Sanitarios del SESPA, Pía Giménez, que señaló que “la rede pública sanitaria cuntaba a primer hora d'esti llunes con 127 cames disponibles.”

Giménez sorrayó que les xerencies contrataron a 83 profesionales de delles categoríes “pa dar una atención afayadiza a la demanda mientres la fase epidémica de la enfermedá”.

Hasta esti llunes, 203.551 persones vacunáronse del gripe. Son 4.000 persones más que nel mesmu periodu del añu pasáu.

Los centros de salú siguen los llabores d'inmunización anque la campaña de vacunación antigripal remató'l 31 d'avientu. Ello ye que la selmana pasada solicitaron la profilaxis 623 persones con enfermedá crónica, 391 mayores de 65 años y 25 embaranzaes.



Encamientos

Pa evitar les andaes del gripe, les autoridaes sanitaries encamienten llavase de cutiu les manes con agua y xabón, amás de caltener una bona ventilación de los espacios zarraos.

En casu de tusir y/o espirriar encamiéntase utilizar pañuelos de papel d'un solu usu pa tapase la boca y la ñariz, o bien usar el buecu del coldu pa evitar contaminar les manos. Ye conveniente llimpiar con frecuencia les superficies que se toquen coles manes, como los pomos de les puertes y los interruptores.

Los síntomes del gripe son malestar xeneral, una fiebre alto súbita y tos, que se trata con antitérmicos y non con antibióticos.

   Icono gráfico alusivo al tipo de archivo Audiu (Audiu: 188 Kb) (n'español)

Información sobre el documento

© Copyright 2006. Gobiernu del Principau d'Asturies