Gobiernu del Principau d'Asturies

Asturies, muncho más cerca

Tas en

Asturias.es Temes Pesca Les confraderíes de marineros van celebrar elecciones p’anovar ...
 

Pesca

Les confraderíes de marineros van celebrar elecciones p’anovar los sos órganos de dirección primero del 31 d’ochobre

El BOPA publica güei la resolución de la convocatoria, qu’establez los comicios de la federación rexonal ente’l 1 de payares y el 15 d’avientu.

28/06/2019

Les 18 confraderíes de marineros del Principáu d’Asturies van celebrar elecciones p’anovar los sos órganos de dirección primero del 31 d’ochobre, según establez una resolución de la Conseyería de Desenvolvimientu Rural y Recursos Naturales publicada güei nel Boletín Oficial del Principáu d’Asturies. El periodu pa efectuar los comicios de la federación rexonal establezse ente’l 1 de payares y el 15 d’avientu.

Les entidaes pesqueres tienen de plazu hasta’l 1 de setiembre pa presentar los sos calendarios electorales énte la conseyería, que los va ratificar nun plazu de cinco díes.

La normativa establez que los mandatos de los órganos rectores de les confraderíes y de les federaciones anuévense cada cuatro años. Les 18 confraderíes qu’operen n’Asturies son: As Figueiras, Tapia, El Porto, Ortigueira, Veiga, L.luarca, Ouviñana, Cuideiru, L’Arena, Avilés, Lluanco, Candás, Xixón, Tazones, Llastres, Ribeseya, Llanes y Bustio.

 

Resolución BOPA

Información sobre el documento

© Copyright 2006. Gobiernu del Principau d'Asturies