Gobiernu del Principau d'Asturies

Asturies, muncho más cerca

Tas en

Asturias.es Temes Emplegu El paro mengua en xunu n’Asturias en 2.671 persones, la cuarta ...
 

Emplegu

El paro mengua en xunu n’Asturias en 2.671 persones, la cuarta mayor baxada ente les comunidaes autónomes

El númberu total de desemplegaos asítiase en 67. 526, la cifra más baxa de la última década pa esti mes. La disminución beneficia tanto a homes como a muyeres, en tolos grupos d’edá y sectores

02/07/2019

El paru baxó n’Asturies en xunu en 2.671 persones, lo que supón el cuartu mayor descensu ente les comunidaes autónomes. El númberu de paraos menguó un 3,81 %, hasta un total de 67.526, la cifra más baxa de la última década pa esti mes.

La baxada beneficia tanto a muyeres como a homes, en tolos grupos d’edá, y afecta a tolos sectores, anque los descensos más acusaos diéronse nel grupu de menores de 45 años, nos ámbitos de los servicios, la construcción y l’agricultura, y ente los paraos ensin emplegu anterior.

Por zones, la mayor mengua concéntrase en dalgunos de los conceyos del oriente con más actividá turística: Cangues d’Onís, Llanes, Ribeseya, Colunga y Ribadeva, mentes que nel occidente rexístrense descensos moderaos.

La directora del Serviciu Públicu d’Emplegu del Principáu (Sepepa), Luisa Pérez, sorraya que’l turismu opera en xunu como tractor del empléu, un enclín que s’afita y que pon de relieve la importancia d’esti sector pa la economía d’Asturies.

Amás, señala que la construcción consolídase como área que medra, con descensos del paru tanto mensuales como interanuales.

La comparanza interanual amuesa un descensu del desempléu del 4,21 %, con 2.970 paraos menos qu’en xunu del 2018.

Otra manera, medra l’afiliación a la Seguridá Social, hasta un total de 368.272 cotizantes, 1.352 más qu’en mayu, lo que supón una medría del 0,37 %. La variación interanual amuesa un aumentu de 4.237 afiliaos, un 1,16 % más que va un añu.

 

Información sobre el documento

© Copyright 2006. Gobiernu del Principau d'Asturies