Gobierno del Principado de Asturias

Asturias, mucho más cerca

Estás en

Aniciu La conexón nueva ente’l campus de Mieres y Xixón ponse en ...
 

Aniciu

La conexón nueva ente’l campus de Mieres y Xixón ponse en marcha’l 13 de setiembre

 El conseyeru Fernando Lastra presenta esti serviciu, que va funcionar nel periodu lectivu del cursu 2017-2018 con cuatro servicios diarios en cada sen

11/09/2017

 

 

El serviciu nuevu de tresporte directu ente’l campus de Mieres y Xixón va empezar a funcionar el 13 de setiembre y va cuntar con cuatro conexones de dir y volver nos díes lectivos. Esti mediu va poder usase, amás de pol colectivu universitariu, pol restu de la población y va funcionar, polo menos, nel cursu 2017-2018, que n’acabando va analizase’l so nivel d’ocupación.

 

El conseyeru d’Infraestructures, Ordenación del Territoriu y Mediu Ambiente, Fernando Lastra, dio güei esta anuncia na presentación del serviciu nel campus de Mieres. Lastra esplicó que los autobuses que van cubrir esta ruta, adaptaos a los horarios universitarios, van salir de la estación d’autobuses de Xixón, lo que va facilitar l’usu por otros usuarios procedentes de poblaciones como Castrillón, Avilés, Lluanco o Candás, ente otres, pa llevar a cabu’l tresbordu a Mieres. Amás, va realizar delles paraes en Xixón, primero de garrar l’autovía minera hasta la fin del trayectu, na estación d’autobuses de Mieres, asitiada a pocos metros de les instalaciones universitaries.

 

El Consorciu de Tresportes d’Asturies (CTA) va establecer estos servicios nos díes del periodu lectivu de la Universidá d’Uviéu pal Campus de Mieres (llunes a vienres inclusive):

 

 

HORARIU

Estación d’Autobuses Xixón

8:05

13:35

16:35

19:05

Avenida de la Costa (Parada bus Begoña)

8:08

13:38

16:38

19:08

Avenida del Llano, 54

8:10

13:40

16:40

19:10

 

Estación d’Autobuses de Mieres

8:50

14:20

17:20

19:50

 

 

 

 

 

 

 

HORARIU

Estación d’Autobuses de Mieres

9:00

15:00

17:35

20:05

 

Avenida del Llano, 35

9:40

15:40

18:15

20:45

Avenida de la Costa 33 (Parada bus Begoña)

9:42

15:42

18:17

20:47

Estación d’Autobuses Xixón

9:45

15:45

18:20

20:50

 

 

Trátase d’un trayectu de cuatro zones nel mapa del billete únicu del CTA, con un costu de 4,25 euros pa la tarifa cenciella, pero que, col billete únicu, rebaxa a 2,80 el bonu 10 (incluyendo tresbordu con tresporte urbanu); a 86,90 l’abonu mensual y a 79,40 l’abonu mozu, dambos con viaxes ilimitaos nun mes.

 

El CTA, dependiente de la Conseyería d’Infraestructures, Ordenación del Territoriu y Mediu Ambiente, soscribió un conveniu de collaboración cola Universidá d’Uviéu y  el Conceyu de Mieres pa la puesta en marcha d’esti serviciu, que’l so déficit, en casu de producise por un índiz baxu d’ocupación, comprométese a financiar. Les trés entidaes van analizar, amás, la evolución de la conexón con cuenta de que se conoza y use lo más posible.

 

A la presentación asistieron, amás, el rector de la Universidá, Santiago García Granda; l’alcalde de Mieres, Aníbal Vázquez, y la directora xeneral d’Universidaes y Investigación, Cristina Valdés.

Información sobre el documento

© Copyright 2006. Gobierno del Principado de Asturias