Gobierno del Principado de Asturias

Asturias, mucho más cerca

Estás en

Asturias.es Temas Vivienda El Plan de Vivienda del Principáu 2018-2021 supera la execución ...
 

Vivienda

El Plan de Vivienda del Principáu 2018-2021 supera la execución prevista pal so primer bieniu

La Conseyería de Derechos Sociales destinó la mayor partida, 16,1 millones, a les ayudes a l'accesibilidá y rehabilitación. Fermín Bravo prevé qu'anguaño la so aplicación perpase de nuevo les previsiones iniciales

27/01/2020

El Plan de Vivienda del Principáu 2018-2021 algama'l 104% de la execución prevista pal so primer bieniu d'aplicación, según anunció güei la conseyera de Derechos Sociales y Bienestar, Melania Álvarez, na xunta del Conseyu Autonómicu de Vivienda na que se presentaron una meyora de los resultaos d'esta programación.

El plan, que dispón d'una inversión de 100.139.660 euros pa los sos cuatro años d'aplicación, cuntaba con una previsión presupuestaria pa los dos primeros exercicios de 46.658.300 euros, cantidá que se superó al haber alcanzao una execución real de 48.500.214 euros al zarru de 2019.

Les partíes que más recursos concentraron nesti periodu fueron les destinaes a les ayudes a l'accesibilidá y rehabilitación, con 16,1 millones, y al arriendu, con 16 millones, mesmo que la inversión en caltenimientu y meyora del parque públicu, con 6,9 millones.

L'apueste del Gobiernu del Principáu por fomentar l'accesibilidá de les edificaciones y ameyorar la so eficiencia enerxética refléxase nos 5.483.000 euros que van recibir dambos conceptos en 2020 de la partida global de 26.048.069 euros prevista pa esti añu. El director xeneral de Vivienda, Fermín Bravo, esplicó que “los nuestros cálculos apunten la execución del plan tamién va superar les previsiones nesti exerciciu”.

Esti plan del Principáu tien como oxetivos facer posible l'accesu a una vivienda algamadiza, lluchar contra la esclusión residencial garantizando un llar dignu y consolidar un parque inmobiliariu accesible y sostenible.

Información sobre el documento

© Copyright 2006. Gobierno del Principado de Asturias