Gobiernu del Principau d'Asturies

Asturies, muncho más cerca

Tas en

Asturias.es Gobiernu Actualidá Los trabayos de remate de los accesos al HUCA obliguen a cortar ...
 

Actualidá

Los trabayos de remate de los accesos al HUCA obliguen a cortar el tráficu na AS-II n'horariu nocherniegu

- La interrupción de la circulación va efectuase en dambes calzaes ente les 22:00 hores del llunes, día 19, y les 06:00 del martes

17/08/2019

Los trabayos de remate de los accesos al Hospital Universitariu Central d'Asturies (HUCA) dende l'autovía AS-II, en La Corredoria (Uviéu), van obligar a realizar una corte total de la vía, en dambos sentíos de circulación, ente les 22:00 hores del próximu llunes, día 19, y les 06:00 hores del martes, 20 d'agostu.

La interrupción del tráficu, que se va llevar a cabu namás n'horariu nocherniegu, va permitir realizar los trabayos de remate del proyectu na pérgola que sobrevuela l'autovía, instalar la señalización vertical y perfeccionar el sistema de drenaxe.

L'AS-II va quedar cerrada al tráficu na glorieta de Luis Oliver, nel enllaz de conexón de Llugones, y na rotonda superior del enllaz de La Corredoria. Como víes alternatives, podrá circulase poles cais Corredoria Alta y Corredoria Baxa y Pontón de Vaqueros.

El proyectu de los accesos al HUCA, que suma una inversión n'obra de 9,1 millones, yá ta executáu nun 97%. El Gobiernu d'Asturies prevé recibir formalmente les obres na segunda quincena de setiembre.

 

Información sobre el documento

© Copyright 2006. Gobiernu del Principau d'Asturies