Gobiernu del Principau d'Asturies

Asturies, muncho más cerca

Tas en

Asturias.es Temes Ganadería Los proyectos que van recibir financiación del Fondu Européu de ...
 

Ganadería

Los proyectos que van recibir financiación del Fondu Européu de Desenvolvimientu Rexonal n’Asturies superen hasta agora los 116 millones

El comité de siguimientu d’esti programa pal periodu 2014-2020 aconceyó güei n’Uviéu pa evaluar la so marcha. Equipamientos como l’edificiu alministrativu del Principáu en Xixón, la Escuela Superior d’Arte nueva d’Avilés o los consultorios de Villayón y Cualloto disponen de partíes del Feder

04/06/2019

El comité de siguimientu del programa operativu del Fondu Européu de Desenvolvimientu Rexonal (Feder) 2014-2020 axuntóse güei n’Uviéu pa evaluar la so marcha. Les ayudes procedentes d’esti mecanismu pal periodu vixente xuben a 264 millones y, hasta agora, escoyéronse proyectos d’inversión por un importe superior a los 116.000.000 euros.

El Feder financió actuaciones como la construcción del edificiu alministrativu del Gobiernu d’Asturies en Xixón, qu’entró en funcionamientu a primeros d’añu, y la execución de la estación depuradora d’agua residual de Navia y Cuaña, puesta en marcha nel 2018. Nel área sanitaria, dexó rematar los consultorios locales de Cualloto y Villayón, y la iniciativa más significativa nel ámbitu educativu foi la creación del inmueble que va acoyer la Escuela Superior d’Arte d’Asturies, n’Avilés, que la so primer fase ta yá rematada.

El fondu européu centra los esfuercios nes árees de la investigación y la innovación, l’usu de les tecnoloxíes de la información y l’aumentu de la competitividá de les pymes. Tamién busca facilitar el pasu a una economía baxa en carbonu y potenciar la eficiencia enerxética, ameyorar los sistemes de saniamientu d’agua residual y consiguir mayor cohesión social al traviés de la inversión en sanidá y educación.

A la xunta celebrada güei, copresidida pol director xeneral de Presupuestos del Principáu, Francisco Sánchez, asistieron representantes de la Comisión Europea, del Ministeriu de Facienda y Alministraciones Públiques y de les conseyeríes de Facienda, Infraestructures, Presidencia, Industria y Desenvolvimientu Rural.

 

Información sobre el documento

© Copyright 2006. Gobiernu del Principau d'Asturies