Gobierno del Principado de Asturias

Asturias, mucho más cerca

Estás en

Aniciu El Gobiernu d’Asturies entrega 19 viviendes públiques d’arriendu ...
 

Aniciu

El Gobiernu d’Asturies entrega 19 viviendes públiques d’arriendu n’A Veiga, que na so construcción invirtiéronse 1,2 millones

El Principáu punxo a disposición de los conceyos 497 viviendes nel últimu añu

18/03/2017

El Gobiernu d’Asturies entregó güei 19 viviendes públiques d’arriendu nel conceyu d’A Veiga, que na so construcción invirtiéronser 1.235.971 euros. La promoción nueva, de 20 pisos, edificóse sobre una parcela dexada pol Conceyu na zona d’A Galea, na capital del conceyu, onde hai otros bloques de vivienda autonómica.

Los inmuebles cunten con una superficie útil que ta ente los 41,40 y los 71,94 metros cuadraos, tienen ente ún y trés cuartos y disponen de trasteru. Depués d’axudicalos, calculóse’l preciu de los arrendamientos p’axustalu a les circunstancies sociales y económiques de les families beneficiaries, polo que les rentes van variar ente los 56 y los 133 euros.

La conseyera de Servicios y Derechos Sociales, Pilar Varela, que participó nel actu d’entrega de llaves xunto al alcalde del conceyu, César Álvarez, y el director xeneral de Vivienda, Fermín Bravo, destacó l’apueste del Executivu autonómicu pol fomentu del arriendu a precios asequibles. “La nuestra política de vivienda garantiza que naide pague pol arrendamientu d’un pisu públicu más del 20% de los sos ingresos, frente a munchos otros territorios onde se paga por módulos, con independencia de los recursos personales”, señaló.

Tamién resaltó’l trabayu conxuntu que tán llevando a cabu’l Principáu y los conceyos nesti ámbitu y que dexó que la conseyería punxere a disposición de los conceyos un total de 497 pisos iguaos nel últimu añu. De magar empzó la llexislatura, el Gobiernu d’Asturies entregó 171 viviendes nueves: 34 en Llanes, 117 en Mieres y 20 n’A Veiga. Amás, cunta entregar otres 45 en Llangréu n’abril. Amás, esta selmana, la Conseyería de Servicios y Derechos Sociales sacó a llicitación les obres de construcción d’otros 40 pisos n’El Campón, n’Uviéu.

 

  Icono gráfico alusivo al tipo de archivo Audiu (Audiu: 798 Kb) (n'español)

Información sobre el documento

© Copyright 2006. Gobierno del Principado de Asturias