Gobiernu del Principau d'Asturies

Asturies, muncho más cerca

Tas en

Asturias.es Temes Educación Centros educativos ya Instituciones El Gobiernu d'Asturies destina esti cursu cuasi 500.000 euros a ...
 

Centros educativos ya Instituciones

El Gobiernu d'Asturies destina esti cursu cuasi 500.000 euros a 67 proyectos pedagóxicos innovadores

Les iniciatives traten sobre temátiques que van dende les artes, les ciencies y la robótica a la inclusión, la meyora de la convivencia y la ecoloxía. La llista completa de los centros y propuestes escoyíes puede consultase na web d’Educastur

19/01/2020

La Conseyería d'Educación escoyó 67 proyectos pedagóxicos d'innovación educativa de 56 centros docentes públicos y 11 concertaos que van recibir subvenciones que van ente los 654 y 10.000 euros, en función de les sos característiques, y que van implementase mientres esti cursu 2019/2020.

El Conseyu de Gobiernu del Principáu alcordó'l pasáu 11 de xunetu un gastu de 488.75 euros, de los que 303.750 correspuenden a l'anualidá de 2019 y los 185.000 restantes a la de 2020 pa esta iniciativa. El proyectu ta financiáu pol Ministeriu d'Educación y Formación Profesional y cofinanciáu pol Fondu Social Européu, nel marcu del Programa Operativu d'Empléu, Formación y Educación 2014-2020.

La convocatoria pa la selección de los proyectos innovadores tuvo abierta mientres el mes de setiembre, periodu nel que los colexos teníen de xustificar les sos propuestes y describir la so finalidá, oxetivos, competencies y la vinculación col currículu y otres actividaes del centru, asina como los materiales y recursos necesarios pa la so puesta en marcha.

Los proyectos de centros rurales agrupaos, colexos públicos y institutos d'educación secundaria traten sobre temátiques que van dende les artes, les ciencies, la llectura, la programación y la robótica a la inclusión, la participación, la meyora de la convivencia y la ecoloxía.

La llista completa de los centros, colos sos proyectos respectivos, puede consultase na web d’Educastur al traviés d’esti enllaz: https://cutt.ly/6rc4uQS

Información sobre el documento

© Copyright 2006. Gobiernu del Principau d'Asturies