Gobierno del Principado de Asturias

Asturias, mucho más cerca

Estás en

Aniciu El Gobiernu del Principáu entrega dos viviendes públiques ...
 

Aniciu

El Gobiernu del Principáu entrega dos viviendes públiques d'arriendu en Pravia

El Gobiernu del Principáu entrega dos viviendes públiques d'arriendu en Pravia

21/04/2017

   - El director xeneral Fermín Bravo anuncia qu'anguaño van reparase nel conceyu otros diez inmuebles

El Gobiernu d'Asturies entregói güei dos viviendes públiques d'arriendu en conceyu de Pravia. Trátase de dos inmuebles d'ente 70 y 73 metros cuadraos, con tres habitaciones caún y una renta mensual inferior a los 70 euros, ensin incluyir los gastos de comunidá.

El director xeneral de Vivienda, Fermín Bravo, qu'asistió al actu d'entrega xunto col alcalde de Pravia, David Álvarez, esplicó que la Conseyería de Servicios y Derechos Sociales prevé reparar anguaño otros diez inmuebles nel conceyu, dientro de la planificación alcordada colos conceyos. Tres les obres de meyora, van ponese a disposición de l'Alministración local pa la so axudicación. Hasta agora, reparáronse los dos pisos entregaos güei y otru ta yá n'obres.

“Güei ponemos en serviciu dos de los 465 inmuebles del parque públicu que prevemos reparar en toa Asturies a lo llargo d'esti exerciciu, cola mira de siguir sofitando a les persones con mayores dificultaes pa que puedan acceder a una vivienda a preciu algamadizu”, destacó Bravo.

El director xeneral recordó que l'Executivu autonómicu va invertir 2,8 millones anguaño p'ameyorar el parque públicu autonómicu. Amás de los inmuebles que se van ameyorar de forma coordinada colos conceyos, van llevase alantre más de mil reparaciones de caltenimientu nel interior de les viviendes y va acometese mediu centenar d'obres en zones comunes de los edificios pal caltenimientu de teyaos y fachaes, amás de pa favorecer l'accesibilidá y eficiencia enerxética.

Información sobre el documento

© Copyright 2006. Gobierno del Principado de Asturias