Gobierno del Principado de Asturias

Asturias, mucho más cerca

Estás en

Asturias.es Temas Turismo Ordenación turística El Principáu presenta un plan de marketing que destina 6,8 ...
 

Ordenación turística

El Principáu presenta un plan de marketing que destina 6,8 millones a reforciar Asturies como destín turísticu

Les campañes de promoción esperimenten una medría del 76 % al respective del añu pasáu

Un momento de la presentación

26/02/2020

La viceconseyera de Turismu, Graciela Blanco, presentó esta mañana en Xixón el Plan de Marketing de Turismu d'Asturies 2020. El proyectu incluye un conxuntu d'acciones que van movilizar 6,8 millones pa reforciar el Principáu como destín turísticu.

Blanco detalló les actuaciones principales, ente les que destaca la inversión en campañes de comunicación, con 3,4 millones, gracies a una medría presupuestaria del 76 % al respective del añu pasáu. Amás, la viceconseyera apostó por consolidar Asturies como destín de naturaleza, pa lo que'l Gobiernu destinó recursos que-y dexarán tar nos salones temáticos principales.

Como cuestiones centrales del plan destaquen el refuerciu de les acciones pa impulsar les cuatro marques de calidá del Principáu —Casonas Asturianas, Aldeas de Asturias, Mesas de Asturias y Sidrerías de Asturias— y productos que favorezan la desestacionalización, como la gastronomía. Asina mesmo, Blanco resaltó una batería d'acciones promocionales y de comercialización vinculaes col Programa Xacobeo 2021, impulsáu pola Conseyería de Cultura, Política Llingüística y Turismu.

A lo último, la viceconseyera avanzó qu'Asturies va encarar anguaño la ellaboración d'un programa de calter estratéxicu alliniáu colos Oxetivos de Desenvolvimientu Sostenible y col horizonte 2030 que supere al actual, que la so vixencia remata n'avientu. Pa ello va buscar l'alcuerdu y la complicidá “con tolos axentes del sector turísticu y, sobre manera, col sector empresarial asturianu”.

Información sobre el documento

© Copyright 2006. Gobierno del Principado de Asturias