Gobiernu del Principau d'Asturies

Asturies, muncho más cerca

Tas en

Asturias.es El Gobiernu d'Asturies empecipia la tramitación del Plan ...
 

Aniciu

El Gobiernu d'Asturies empecipia la tramitación del Plan Sociosanitariu 2018-2021, que busca una atención más eficaz y personalizada

13/02/2018

   - La comisión de coordinación formada poles conseyeríes de Sanidá y Servicios Sociales dio lluz verde al documentu inicial, que va llegar en mayu a la Xunta Xeneral pal so debate

     - El testu establez llinies estratéxiques ente les que destaquen les actuaciones dirixíes a colectivos con necesidaes especiales, el desenvolvimientu d'un sistema compartíu d'información y la tresferencia de conocencia ente profesi

La comisión interdepartamental de coordinación sociosanitaria dio güei lluz verde al testu inicial del Plan Sociosanitariu del Principáu d'Asturies 2018-2021, qu'empecipia agora la so tramitación alministrativa cola mira d'ufiertar a la ciudadanía una atención más eficaz y personalizada. Prevése que'l documentu llegue a la Xunta Xeneral en mayu pal so debate, tres el periodu d'información pública, y desque cunte con tolos informes preceptivos y reciba’l preste del Conseyu de Gobiernu.

La xunta celebrada güei n'Uviéu baxo la presidencia de los titulares de Sanidá y Servicios y Derechos Sociales, Francisco del Busto y Pilar Varela, respectivamente, sirvió p'analizar el testu, que va dexar encarar de forma simultánea ente los servicios de dambes conseyeríes les demandes de prevención y atención d'aquelles persones que la precisen poles sos característiques especiales o situación de vulnerabilidá.

El documentu marca cinco llinies estratéxiques y establez mecanismos que van dexar compartir recursos y van facilitar la coordinación ente profesionales, asina como la collaboración interinstitucional. Va favorecese tamién la cualificación del personal y va crease un sistema d'información compartíu pal manexu y siguimientu de los usuarios en dambos sistemes. Pa desenvolver caúna d'estes exes, plantéguense actuaciones concretes que se van impulsase mientres el periodu de vixencia del plan.

Les cinco llinies estratéxiques son:

   - Actuaciones en colectivos diana: dase prioridá a l'actuación sobre poblaciones con necesidá de protección y promoción de la salú, que rican aumentar la so autonomía y independencia, ameyorar la so calidá de vida y bienestar personal, y favorecer la so participación social. Ensin escluyir a otros posibles colectivos, les intervenciones van centrase nos siguientes:

   - Atención a persones mayores fráxiles. Van crease unidaes de convalecencia, va potenciase l'avieyamientu activu y va reforciase el cuidáu nes situaciones de cronicidá.

   - Atención a persones en situación de dependencia o diversidá funcional. van impulsase, por exemplu, programes de prevención y protocolos de derivación ente centros.

   - Atención a persones con trestornu mental grave o severu, pa qu'accedan al llugar más afayadizu pal so cuidáu. Nesti sentíu, van crease places psicoxeriátriques nueves, va buscase una xestión homoxénea de los pisos d'insertamientu social y van ellaborase protocolos sobre la continuidá de los cuidaos.

   - Atención a persones en riesgu d'esclusión, mediante la puesta en marcha de protocolos de siguimientu de la ciudadanía ensin domiciliu que sufren patoloxíes cróniques y precisen supervisión médica. Tamién se van adoptar midíes pa prevenir la esclusión o la desigualdá de persones drogodependientes o alcohóliques, teniendo en cuenta la perspectiva de xéneru y facilitando la incorporación a centros o pisos.

   - Atención a menores con vulnerabilidá alta. Va ameyorase la comunicación ente les Unidaes d'Atención Infantil Temprana y los servicios de pediatría hospitalaria y d'atención primaria; van enllantase programes d'alimentación saludable y va consolidase’l grupu qu'analiza la intervención nos casos de trestornu mental n'adolescentes.

   - Atención a persones que sufren violencia o maltratu, al traviés d'acciones pa detectar, prevenir y intervenir nestes situaciones.

   - Atención a persones a la fin de la vida. Va incrementase la cobertoria de cuidaos paliativos y va fomentase’l trabayu en rede de los profesionales d'esti ámbitu.

   - Atención a persones vulnerables con problemes de salú oral mediante acciones centraes n'ufiertar cuidaos odontolóxicos adaptaos, qu'incluyen intervenciones específiques dirixíes a persones con discapacidá intelectual, persones mayores y aquelles en riesgu d'esclusión social.

   - Atención a persones con enfermedaes neurodexeneratives, neuromusculares, poco frecuentes y de mala clasificación con dependencia alta. Va ameyorase la continuidá de l'atención social y sanitaria.

     - Sistema d'información y comunicación sociosanitariu. Va crease un rexistru compartíu d'información que va suponer la integración de la historia clínica electrónica cola historia social electrónica, desque esta última tea dafecham  

 - Actuaciones de sofitu interinstitucional ente servicios sociales y sanitarios pa dar una respuesta efectiva a necesidaes d'atención cada vez más complexes. Prevése instaurar un modelu d'atención farmacéutica en centros residencia  

  - Sensibilización profesional, formación y tresferencia de conocencia. Va divulgase'l plan ente tolos sectores implicaos: usuarios, profesionales y entidaes del tercer sector. Tamién se va establecer un plan de formación dirixíu a emplegaos de dambos sistemes y van aprovechase les sinerxes xeneraes pa fomentar la investigación sociosanitaria.

     - Les estructures de sofitu al plan, que se crearon al traviés del Decretu 70/2016, de 23 de payares, y que son: el conseyu interdepartamental, la comisión técnica y los equipos territoriales. Amás, propónse impulsar la intervenció de los servicios sociales y sanitarios coles entidaes del tercer sector. 

 

L'atención sociosanitaria ye una de les prioridaes del Gobiernu d'Asturies pa garantizar una atención equitativa, integral y de continuidá, y el plan ye unu de los compromisos d'esta llexislatura, na que se desenvolvió un trabayu intensu que se materializó en payares del 2016 cola aprobación del decretu qu'establez los órganos de planificación y sofitu pa la meyora de l'atención y coordinación nesti ámbitu. Esti decretu supunxo un respaldu llegal al llabor realizáu ente los ámbitos social y sanitariu y foi’l puntu de partida pa la ellaboración del documentu qu'agora se tramita.

Amás, l'añu pasáu constituyéronse los órganos de coordinación y planificación, asina como los ocho equipos territoriales. Tamién se desenvolvieron xornaes formatives sobre la xestión de casos sociosanitarios y ellaboróse’l pilotaxe, yá en marcha, del protocolu destináu a favorecer el bon tratu a les persones mayores.

 

 

Información sobre el documento

© Copyright 2006. Gobiernu del Principau d'Asturies