Gobiernu del Principau d'Asturies

Asturies, muncho más cerca

Tas en

Asturias.es El Principáu llicita delles actuaciones d’ameyora na ciudá de ...
 

Aniciu

El Principáu llicita delles actuaciones d’ameyora na ciudá de vacaciones de Perlora por 49.888 euros

- Ta prevista l’adecuación d’un aparcamientu pa sumar 90 places más d’estacionamientu nel branu

13/06/2018

   - Los trabayos de caltenimientu y acondicionamientu intensificáronse dende va díes nel complexu

El Principáu llicitó delles actuaciones de meyora na ciudá de vacaciones de Perlora ente la llegada del branu. D'esa manera, nes próximes selmanes van empecipiase les obres p'adaptar una zona como aparcamientu - a la entrada del complexu- p'aumentar mientres el branu les places d’estacionamienti que se ponen a disposición de los usuarios. El nuevu aparcamientu va cuntar con 90 places.

Tamién se va ameyorar el moblame de les árees recreatives, del parque infantil y de les instalaciones deportives. Mesmo estes actuaciones como l’habilitación del aparcamientu provisional cunten con un presupuestu de llicitación de 49.888 euros y un plazu d'execución d'un mes.

Amás, el Principáu intensificó, como vien faciendo nos últimos años, los llabores de caltenimientu de la ciudá residencial de Perlora ante l'entamu de la temporada braniza. Asina, nos últimos díes reforzáronse los trabayos de siega nes zones verdes y d'acondicionamientu de les árees recreatives, de la qu'empezaba a funcionar el nuevu contratu de caltenimientu del complexu, que s'axudicó por un importe de 108.887 euros y una vixencia de 19 meses.

El nuevu serviciu contempla una medra na frecuencia de les xeres de siega y tamién na llimpieza de les zones d'aséu y na recoyida de basura, que se van intensificar entá más nel branu.

 

 

Información sobre el documento

© Copyright 2006. Gobiernu del Principau d'Asturies