Gobiernu del Principau d'Asturies

Asturies, muncho más cerca

Tas en

Asturias.es Cultura anuncia la constitución de la Mesa del Horru pa tratar ...
 

Aniciu

Cultura anuncia la constitución de la Mesa del Horru pa tratar la regulación d’estos elementos etnográficos

L’organismu, promovíu por Patrimoniu, va integrar a espertos, asociaciones y profesionales rellacionaos con estos elementos

11/02/2020

La Conseyería de Cultura, Política Llingüística y Turismu va encarar la regulación d’horros y paneres cola constitución de la Mesa del Horru, un organismu que va analizar los asuntos sobre los que se va sofitar la normativa futura que tien que regular la xestión patrimonial d’estos elementos etnográficos, garantizar el so futuru y salvaguardar el so valor cultural.

La Mesa del Horru, promovida dende la Dirección Xeneral de Cultura y Patrimoniu, va tar integrada por espertos, profesionales y representantes d’asociaciones y entidaes de dellos ámbitos rellacionaos col estudiu, la restauración y el caltenimientu d’estos elementos.

L’organismu va trabayar, sobre manera, a partir de dellos documentos técnicos ellaboraos nos últimos años y que dexen concretar l’ámbitu nel que se tien qu’actuar pa tratar cuestiones relevantes que nunca se regularon espresamente, como los usos permitíos, la evolución de les tipoloxíes, la concreción de materiales y sistemes de restauración o’l calter mueble-inmueble d’horros y paneres.

La Mesa del Horru va tener en cuenta sobre manera trés documentos: Registro de soluciones técnicas tradicionales para el montaje de hórreos y paneras, de Gonzalo García y Santiago Astuy; El lenguaje clásico del hórreo asturiano. Serie tipológica y quintana, de Juan Pedrayes, Ástur Paredes y Salvador Barro, y Documento marco de recomendaciones sobre la gestión de bienes patrimoniales de carácter etnológico: hórreos y paneras, de Cristina Cantero. Estos trabayos van facese públicos nuna páxina abierta por Patrimoniu cola mira de facilitar les aportaciones ciudadanes al debate.

L’organismu va tener que tomar determinos sobre aspectos como si tienen que regulase dende Patrimoniu los horros de construcción nueva o si l’horru nuevu sigue siendo horru; si puen añedise elementos (zarramientu, ventanes o instalación eléctrica) y siguir considerándolu horru; sobre’l so usu, incluyíu’l habitacional o como agospedamientu rural singular, o la posiblidá de graduar la so protección a tenor de criterios como l’antigüedá, la decoración o’l so allugamientu.

Información sobre el documento

© Copyright 2006. Gobiernu del Principau d'Asturies