Gobiernu del Principau d'Asturies

Asturies, muncho más cerca

Tas en

Asturias.es El Principáu constitúi la Mesa Sectorial d'Instituciones ...
 

Aniciu

El Principáu constitúi la Mesa Sectorial d'Instituciones Culturales pa impulsar el trabayu en rede de los equipamientos

La conseyería va abrir nes próximes selmanas seis nueves comisiones que van confluiyir nel Conseyu de la Cultura d’Asturies

14/10/2020

La conseyera de Cultura, Política Llingüística y Turismu, Berta Piñán, presidió güei la xunta constituyente de la Mesa Sectorial d'Instituciones Culturales que promueve el so departamentu cola fin d'analizar la situación actual y les perspectives de centros culturales, museos, biblioteques y archivos xestionaos pol Principáu o venceyaos a l'Alministración autonómica, nun foru abiertu a la participación y la collaboración d'entidaes ya instituciones privaes.

L'organismu va tratar tamién les propuestes y planteamientos de futuru qu'incidan nel trabayu en rede ente los equipamientos y nel impulsu del so llabor d'investigación, espardimientu y promoción de la cultura asturiana. D'esta miente, una de les sos funciones prioritaries va consistir en reforzar los venceyos ente estes instituciones, contribuyendo a crear redes d'espardimientu y promoción d'actividaes.

La mesa ta integrada por representates d'entidaes, fundaciones y asociaciones culturales asturianes, mesmo que por responsables de l'Alministración autonómica y polos directores y coordinadores del Pentágonu del Arte, les biblioteques Ramón Pérez de Ayala y Xovellanos, l'Arquivu Históricu d'Asturies, amás d'entidaes como la Rede de Museos Etnográficos d'Asturies (Redmeda), la Fundación Alvargonzález o'l Muséu Evaristo Valle.

La puesta en marcha d'esti organismu enmárcase nel plan de la conseyería pa promover un analís integral y permanente de la cultura asturiana cola creación d'una serie de meses sectoriales que van confluyir, este mesmu añu, na constitución del Conseyu de la Cultura d’ Asturies. La d'Instituciones Culturales ye la segunda mesa que se crea depués de la d'Artes Escéniques.

Cultura previera la constitución d'estos organismos antes de la pandemia del coronavirus, pero la crisis sanitaria obligó a retrasar el proyectu, que se va completar nes próximes selmanes cola creación de les meses sectoriales de Lliteratura, Cine, Viedeoxueguya Innovación, Música, Artes Plástiques y Cultura Tradicional.

Información sobre el documento

© Copyright 2006. Gobiernu del Principau d'Asturies