Gobierno del Principado de Asturias

Asturias, mucho más cerca

Estás en

Aniciu Temes Cultura El Principáu invierte 65.242 na meyora del allumáu esterior de ...
 

Cultura

El Principáu invierte 65.242 na meyora del allumáu esterior de la ilesia prerrománica de Santu Adrianu de Tuñón

La obra incluye tamién el soterramientu de llinies aérees de lluz, telefonía y electricidá pa llimpiar la contornada

28/06/2020

La Dirección Xeneral d’Alministración Local remató les obres de meyora de la redolada y allumáu esterior de la Ilesia prerrománica de Santu Adrianu de Tuñón, nel conceyu de Santu Adrianu, depués d’invertir 65.242 euros.

Los trabayos consistieron n’anovar l’allumáu esterior del templu con lluminaries de tecnoloxía led, más eficiente que lo convencional, y lo de les fachaes del edificiu, con trés proyectores asitiaos estratéxicamente pa dar un bañu de lluz al inmueble.

Tamién se llevó a cabu’l soterramientu de les llinies aérees d’allumáu, distribución eléctrica y telefonía de la zona, cola mira de destorgar la redolada y ameyorar la visión d’esta vieya abadía benedictina, fundada pol rei Alfonso III y la so muyer, Ximena, nel añu 891, n’honor de los santos mártires Adrianu y la so muyer Natalia.

L’actuación riquió’l trabayu coordináu de les conseyeríes de Presidencia y Infraestructures, Mediu Ambiente y Cambéu Climáticu, la Dirección Xeneral de Cultura y Patrimoniu, el Conceyu de Santu Adrianu y les empreses EDP y Movistar.

Información sobre el documento

© Copyright 2006. Gobierno del Principado de Asturias