Gobiernu del Principau d'Asturies

Asturies, muncho más cerca

Tas en

Asturias.es El personal científicu del Serida va poder optar per primer ...
 

Aniciu

El personal científicu del Serida va poder optar per primer vegada a la evaluación de la so investigación y reconocimientu de méritos

La plantiya va cuntar cola acreditación de sexenios, al igual que'l restu d'investigadores d'otros organismos públicos

19/05/2020

El personal científicu del Serviciu Rexonal d'Investigación y Desenvolvimientu Agroalimentariu (Serida) va poder optar a la evaluación del so trabayu para llograr, per primer vegada, el reconocimientu de sexenios de trayectoria investigadora. D'esta forma, la plantiya va quedar oldeada con otros organismos públicos d'investigación nacionales. El procedimientu foi alcordáu na última xunta del plenu de la Comisión Nacional Evaluadora de l'Actividá Investigadora (CNEAI), de l'Axencia Nacional d'Evaluación de la Calidá y Acreditación (Aneca).

La plantiya investigadora del Serida llevaba años solicitando que se punxera fin a la discriminación que sufría al respective d’otros compañeros de centros nacionales y que se-yos permitía aportar al reconocimiento de los méritos de la so actividá. El derechu a ser evaluáu tien consecuencies importantes. La primera, el prestíu profesional, cuidao que en distintes instancies y convocatories esíxese acreditar tramos de la vida profesional evaluaos positivamente. Amás, el personal científicu va poder optar a proyectos de forma competitiva, n'igualdá de condiciones con investigadores d'otros centros.

La directora xeneral d'Universidá, Cristina González, punxo de relieve que se trata d'igualar a estos investigadores y de que cunten cola posibilidá de tener reconocíos sexenios de trabayu nesti campu. Pa la so puesta en marcha, l’Aneca va poder roblar convenios colos organismos d'investigación autonómicos, como'l Serida, y va ser la mesma axencial a que se va encargar de realizar les evaluaciones.

El Serida ye un organismu públicu del Principáu que tien por finalidá contribuyir a la modernización y meyora de les capacidaes del sector agroalimentariu, por aciu l'impulsu y execución de la investigación y el desenvolvimientu tecnolóxicu, con cuenta d'ameyorar la productividá, la diversificación y l'elevación de les rentes de los activos primarios.

Información sobre el documento

© Copyright 2006. Gobiernu del Principau d'Asturies