Gobiernu del Principau d'Asturies

Asturies, muncho más cerca

Tas en

Asturias.es Asturies recicla yá'l 32,5 % de los residuos domésticos y ...
 

Aniciu

Asturies recicla yá'l 32,5 % de los residuos domésticos y comerciales y el 50 % de los envases

La recoyida selectiva de materia orgánica creció un 228 % y la de papel, cartón y vidriu un 6 %

De izquierda a derecha, la directora general de Calidad Ambiental y Cambio Climático, Paz Orviz; la viceconsejera de Medio Ambiente y Cambio Climático, Nieves Roqueñí, y el gerente de Cogersa, Santiago Fernández

13/02/2020

Los residuos municipales recoyíos nel Consorciu pa la Xestión de Residuos Sólidos d'Asturies (Coxersa) crecieron cuasi'l 1,5 % en 2019 y algamaron les 516.479 tonelaes, de les que’l 24,74 % fueron oxetu de tratamientu. A esta cifra hai qu'añedir les recoyíes selectives llevaes a cabu por xestores distintos a la entidá y la resultancia del compostaxe domésticu, actividá cada vez más estendida, qu'alza hasta'l 32,5 % les refugayes doméstiques y comerciales reciclaes n'Asturies.

La viceconseyera de Mediu Ambiente y Cambéu Climáticu, Nieves Roqueñí, facilitó güei estos datos mientres la rueda de prensa ufiertada xunto col xerente de Coxersa, Santiago Fernández, pa presentar los datos de borrafes trataes y de la recoyida selectiva que'l consorciu realizó l’añu pasáu.

Coxersa recibió 895.108 tonelaes de borrafes, qu'incluyen les refugayes municipales y comerciales, les de construcción y baltadera, les folles d'estaciones depuradores y los industriales non peligrosos. El 40 % de los que pasaron peles sos instalaciones foi sometíu a dalgún tratamientu de recicláu. Nel apartáu d'envases, el porcentaxe superó'l 50 %.

L'aumentu na tasa de reciclaxe ye por cuenta de qu’en 2019 la recoyida selectiva creció percima del 13 % n'envases y del 6 % nos apartaos de cartón y papel y vidriu.

Tanto Roqueñí como Fernández valoraron l'importante aumentu del compostaxe domésticu, actividá na que tán inscrites 12.443 families. Considérase que cada compostadora procesa unos 300 quilos de borrafes anuales.

Esta medría sostenida del reciclaxe va tener un impulsu fuerte en 2020 debíu, sobre manera, a la puesta en marcha y a la estensión de la recoyida selectiva de materia orgánica nes ciudaes grandes, que creció un 228 %. Esti ameyoramientu va reforciase tamién cola entrada en serviciu de la planta de reciclaxe nueva de Coxersa, prevista pal 2023, na que van invertise 48 millones.

Como n'años anteriores, el consorciu punxo en marcha la campaña de collaboración colos conceyos pa potenciar la recoyida selectiva de borrafes orgániques, a la que destina un millón. Tamién va llevar a cabu delles iniciatives d'educación y divulgación medioambiental con una partida presupuestaria que ronda tamién el millón.

Anguaño prevése l'empiezu de les tramitaciones alministratives y obres de los puntos llimpios nuevos de Nava, Gozón y Valdés, que van contribuyir al aumentu de la recoyida selectiva.

Icono gráfico alusivo al tipo de archivo Audiu (Audiu: 2 Mb) (n'español)

Información sobre el documento

© Copyright 2006. Gobiernu del Principau d'Asturies