Gobiernu del Principau d'Asturies

Asturies, muncho más cerca

Tas en

Asturias.es El proyectu pilotu diseñáu paretomar la actividá en centros ...
 

Aniciu

El proyectu pilotu diseñáu paretomar la actividá en centros sociales pa persones mayores comienza en Moreda col serviciu de podoloxía

Esta iniciativa, empobinada a equipamientos que comparten edificiu colos centros de día, va desenvolvese pe fases y con circuitos y profesionales independientes. Asturies cunta con 22 instalaciones d'estes característiques, a les que podría extrapolarse el modelu ayerán si funciona correchamente

13/10/2020

La Conseyería de Derechos Sociales y Bienestar empecipió güei en Moreda (Ayer) el proyectu pilotu diseñáu pa retomar pasu ente pasu les actividaes propies de los centros sociales pa mayores que comparten edificios con centros de día pa persones dependientes. L'equipamientu ayerán va sirvir como exemplu pa estrapolar el modelu a otres instalaciones de les mesmes característiques.

P’abrir el centru social, que güei volvió a entamar la so actividá col serviciu de podoloxía -al qu'asistieron 12 persones-, el Principáu definió un plan de continxencia con circuitos independientes para evitar que los usuarios de dambes instalaciones (centru social y centru de día) compartan espacios. Nes próximes selmanes va recuperase'l serviciu de peluquería y, de siguío, el de cafetería, siempre con aforu llindáu y midíes de seguridá afayadices.

El modelu de Moreda va evaluase y, si funciona correchamente, va poder estrapolarse a otros centros de característiques asemeyaes, tomando siempre en consideración les peculiaridaes de cada equipamientu.

Hasta agora, los centros sociales que reabrieron tres el zarru provocáu pola pandemia del coronavirus yeren dos (Mieres y La Pola Llaviana), allugaos n'edificios independientes, polo que pudieron retomar la so actividá con un aforu del 30% y adaptando toles midíes de seguridá previstes nos protocolos sanitarios.

N'Asturies hai 22 centros sociales que comparten instalaciones con centros de día. “Somos conscientes de que les persones mayores precisen dir retomando la so vida diaria, pero siempre vamos primar la so salú y bienestar. El modelu de Moreda va sirvinos pa identificar si ye posible llevar a cabu nueves apertures con toles garantíes, tanto pa profesionales como para usuarios”, aseguró la conseyera de Derechos Sociales y Bienestar, Melania Álvarez.

Información sobre el documento

© Copyright 2006. Gobiernu del Principau d'Asturies