Gobiernu del Principau d'Asturies

Asturies, muncho más cerca

Tas en

Asturias.es Salú aprueba 60.000 euros n'ayudes a programes que garanticen ...
 

Aniciu

Salú aprueba 60.000 euros n'ayudes a programes que garanticen los derechos de los consumidores

Les subvenciones van financiar campañes informatives y acciones xudiciales en defensa de los usuarios

20/02/2020

La Conseyería de Salú aprobó la convocatoria d'ayudes a les asociaciones de consumidores y usuarios pal desenvolvimientu de programes que tengan como finalidá garantizar la información, asesoramientu y defensa de los intereses de los usuarios pa esti añu. La cuantía de les subvenciones, que publicó güei’l Boletín Oficial del Principáu d'Asturies (BOPA), ye de 60.000 euros.

Esta ayuda, de llibre concurrencia, va financiar iniciatives que garanticen la información y l'asesoramientu de la población en materia de consumu, y que resuelvan les dificultaes causaes pola posible existencia de clauses abusives nos contratos que suscriben los ciudadanos. Para esto postrero ye mester detectar estes situaciones y apurrir les ferramientes llegales para evitales, lo que va garantizar la protección eficaz de los derechos de la ciudadanía.

El llabor que realicen estes asociaciones especializaes contribúi a la formación de la población por que pueda ser consumidora crítica y responsable, amás de conocer y exercer los sos derechos.

Les subvenciones van cofinanciar aquellos gastos derivaos del desenvolvimientu de programes que cumplan coles bases de la convocatoria. Ente los criterios que se van valorar pa otorgales contémplense les midíes d'información que les asociaciones realicen al traviés de los locales que caltienen abiertos al públicu y les acciones xudiciales en materia de clauses abusives que entablan en defensa de los consumidores.

Información sobre el documento

© Copyright 2006. Gobiernu del Principau d'Asturies