Gobiernu del Principau d'Asturies

Asturies, muncho más cerca

Tas en

Asturias.es Gobiernu Actualidá Dos empreses soliciten la instalación de nueve parques eólicos ...
 

Actualidá

Dos empreses soliciten la instalación de nueve parques eólicos n’ocho conceyos asturianos

20/08/2019

   - Proponen allugar instalaciones de xeneración, con una potencia total de 191 megavatios, n'Ayande, Boal, Castropol, Cuaña, Eilao, Santiso d'Abres, A Veiga y Taramundi
   - Les sociedaes Merybal Construcciones y Contrates y Green Capital Power lideren les solicitúes, presentaes por un procedimientu de selección en competencia que güei publica'l Boletín Oficial
   - Asturies cunta agora con 19 complexos d'estes característiques que sumen 518,45 MW

Les compañíes Merybal Construcciones y Contrates y Green Capital Power presentaron solicitúes para la instalación de nueve parques eólicos con una potencia total de más de 191 megavatios (MW) n'ocho conceyos: Ayande, Boal, Castropol, Coaña, Eilao, Santiso d'Abres, A Veiga y Taramundi.

Les solicitúes, que se publicaron güei nel Boletín Oficial del Principáu (Bopa), correspuenden a parques que s'allugaríen na zona d'alta capacidá d'acoyida definida nes directrices sectoriales d'ordenación del territoriu pa l'aprovechamientu de la enerxía eólica, recoyíes nel Decretu 42/2008, de 15 de mayu. Merybal Construcciones y Contrates presentó un espediente d'autorización y Green Capital Power, proyectos para instalar otros ocho parques.

Los anuncios enmárquense nun procedimientu de selección en competencia pa l'autorización de parques eólicos. Esto supón que, en publicando les solicitúes, ábrese un plazu d'un mes pa que cualesquier otru promotor pueda presentar propuestes alternatives, allugamientu por allugamientu, siempre qu'axunten los requisitos mínimos establecíos nel artículu 9 de la normativa autonómica.

Los criterios oxetivos para resolver los procesos competitivos tán definíos na resolución de 31 de xineru de 2019 de la Conseyería d'Empléu, Industria y Turismu. Una vegada resueltos los trámites de selección va empezar la tramitación ordinaria de los parques, que tendrán de superar distintos finxos, ente los que figuren la fase de verificación técnica alministrativa, un periodu d'información pública, evaluaciones d'impactu ambiental ya informe urbanísticu municipal.

La publicación del Boletín Oficial del Principáu puede consultase nel siguiente enllaz: : https://bit.ly/2ZkaHQQ



Un gran potencial de crecimientu

Asturies cunta agora con 19 parques eólicos en funcionamientu con una potencia instalada de 518,45 MW. Teniendo en cuenta que la capacidá d'evacuación d'enerxía al traviés de la rede d'infraestructures de tresporte permite dar salida a 1.250 MW, el Principáu dispón de gran potencial de crecimientu nesti área de producción d'eletricidá, que representa anguaño poco más del 6% de la enerxía producida na comunidá.

L'últimu parque eólicu autorizáu nel Principáu en xunetu de 2013 y dende entós nun se crearon nueves instalaciones. Anguaño, la Dirección Xeneral de Minería y Enerxía tien en distintes fases de tramitación proyectos pa un total de 45 parques con una potencia instalada de 869,665 MW.

 

Información sobre el documento

© Copyright 2006. Gobiernu del Principau d'Asturies