Gobiernu del Principau d'Asturies

Asturies, muncho más cerca

Tas en

Asturias.es Temes Turismu Les marques de calide p’agospiamientos turísticos y restauración ...
 

Turismu

Les marques de calide p’agospiamientos turísticos y restauración sumen 14 nueves incorporaciones

Los sellos Meses y Sidreríes d’Asturies algamen los 60 miembros depués de superar les auditoríes 11 establecimientos. Un total de 136 locales integraen les cuatro certificaciones de garantía del Principáu

28/07/2020

La conseyera de Cultura, Política Llingüística y Turismu, Berta Piñán, y la viceconseyera de Turismu, Graciela Blanco, apurrieron güei los distintivos qu'acrediten al restorán Puebloastur, de Parres, y a la Sidrería Lena, de Villaviciosa, como miembros de les marques de calidá del Principáu Meses d'Asturies-Excelencia Gastronómica y Sidreríes d'Asturies-Calidá Natural, respectivamente.

Berta Piñán, que visitó dambos establecimientos, espresó'l so contentu pola recién incorporación d'once nuevos miembros nestes marques. Na actualidá, Meses d'Asturies cunta con 35 locales que s’axuntaron y Sidreríes, con 25.

A ellos, súmase trés agospiamientos qu'adquirieron la distinción Aldea- Asturies, Calidá Rural, qu'integra les cases d'aldega y los apartamentos rurales.

El Principáu cunta con una cuarta marca, Club de calidá Casones Asturianes. Les cuatro certificaciones de garantía sumen, en total, 136 establecimientos.

Los miembros de Meses d'Asturies y Sidreríes d'Asturies formen parte de les guíes oficiales de dambes marques, qu'anguaño estrenen imaxe. Les sos versiones dixitales, mesmo que les de les otres dos marques de calidá, atópense disponibles para la so descarga na páxina

www.turismoasturias.es .

Información sobre el documento

© Copyright 2006. Gobiernu del Principau d'Asturies