Gobiernu del Principau d'Asturies

Asturies, muncho más cerca

Tas en

Asturias.es La Sala d’Arte Mozo de Madrid espón la 29 Muestra d’Artes ...
 

Aniciu

La Sala d’Arte Mozo de Madrid espón la 29 Muestra d’Artes Plástiques del Principáu y el proyectu ganador del premio LABjoven

La conocida galería madrilana va acoyer dende mañana la obra de los siete artistes asturianos escoyíos nesta edición y la propuesta escoyida nel concursu LABjoven_Los Bragales

17/09/2019

La Sala d'Arte Mozo de Madrid va inaugurar mañana, miércoles, a les 20:00 hores, una esposición qu'integra la obra de los artistes escoyíos na 29 edición de la Muestra d'Artes Plástiques del Principáu y el proyectu ganador del Premiu LABjoven_Los Bragales.

La muestra que s’abre mañana na prestixosa sala madrilana espón los trabayos de Tania Blanco (Premiu Asturies Mozo 2018), Juan Falcón, Manuel García Fernández, Sabela Prendes, Ana Pérez Valdés, Nerea S. Lorences y Andrea Rubio, los siete creadores escoyíos pa formar parte de la última edición d'esta convocatoria artística.

La Muestra d'Artes Plástiques del Principáu ta promovida pola Conseyería de Presidencia y promueve la participación d’ artistes menores de 35 años.

La esposición inclúi tamién el proyectu Ctrl.+Alt.+Del. [fuerade], del artista xixonés Mario M. Martínez, ganador del premiu LABjoven_Los Bragales, convocáu conxuntamente pola colección Los Bragales y Llaboral Centru d'Arte.

El director xeneral de Cultura y Patrimoniu, Martín López-Vega, y la directora d'actividaes de Llaboral Centru d'Arte y Creación Industrial, Karin Ohlenschläger, van asistir mañana al actu d'inauguración xunto col comisariu de la muestra, Luis Feás, dellos de los artistes escoyíos y el responsable de la colección Los Bragales, Jaime Sordo.

Tres la so clausura na sala madrilana, la esposición va siguir la itinerancia en Salamanca y, darréu, va abrise'l circuitu rexonal.

 

Información sobre el documento

© Copyright 2006. Gobiernu del Principau d'Asturies