Gobiernu del Principau d'Asturies

Asturies, muncho más cerca

Tas en

Asturias.es Temes Vivienda El conseyeru d’ Empléu destaca l’aumentu del 12,7% del númberu ...
 

Vivienda

El conseyeru d’ Empléu destaca l’aumentu del 12,7% del númberu d’empresas asturianes dedicaes a la construcción dende 2015

Isaac Pola cifra nel 16,9% el crecimientu nos puestos de trabayu creaos nesti sector dende entós. El Gobiernu del Principáu y la patronal CAC celebren güei una xornada pa fomentar l'intercambiu ente'l texíu empresarial y la comunidá innovadora

De izquierda a derecha: Juan Ordieres, vicepresidente de la Fundación Laboral de la Construcción FLC, Jeremías Dos Santos, vicepresidente y secretario de la FLC; Isaac Pola, consejero de Empleo, Industria y Turismo; Joel García, presidente de FLC, y Genaro Martínez, vicepresidente de FLC

03/06/2019

El conseyeru d'Empléu, Industria y Turismu, Isaac Pola, destacó güei l’importante crecimientu qu'esperimentó'l sector de la construcción n'Asturies dende 2015, con un aumentu del 12,7% d'empreses y del 16,9% del empléu.

Pola realizó estes declaraciones na inauguración de la xornada Construcción 4.0., entamada pola conseyería, l'Institutu de Desenvolvimientu Económicu del Principáu ( Idepa) y el Centru Européu d'Empreses ya Innovación ( CEEI), xuntu cola Confederación Asturiana de la Construcción – CAC Asprocon, col fin de convertise nun puntu d'alcuentru ente les compañíes y la comunidá innovadora.

El titular d'Empléu animó al sector a “siguir exerciendo como ún de les pilares fundamentales de la economía rexonal, procurando incrementar la competitividá tanto de los contratistes y promotores como de la industria auxiliar”.

Mientres la so intervención, venceyó l'ameyoramientu nesti campu cola dixitalización de procesos que, al so xuiciu, “va traer consigo una revolución fonda y cambeos nos modelos de negociu”. Nesti sentíu, esplicó que'l Principáu diseñó un plan estratéxicu pa favorecer el desenvolvimientu de la comunidá al traviés del texíu granible, col propósitu de facilitar la incorporación de firmes asturianes a la industria 4.0 al traviés de cuatro exes d'actuación: divulgación, asesoramientu, plataforma d'alcuentru y sofitu financieru.

L'oxetivu de la iniciativa Asturies Industria 4.0, que s'asitia en llinia cola Estratexa Rexonal d'Especialización Intelixente Asturies RIS 3, pasa por incrementar el llideralgu del Principáu como rexón industrial al traviés de la tecnoloxía. “Por eso resulta fundamental qu'un sector tresversal como'l de la construcción s’incorpore a la carrera pola digitalización”, sorrayó'l conseyeru.

Según recordó, el preséu central p'avanzar escontra la digitalización ye l’Asturias Digital Innovation Hub, col que se facilita l'accesu a nuevos mercaos, a cadenes de valor globales y al catálogu d’habilitadores tecnolóxicos, quince en total, que van sofitar la incorporación del texíu empresarial rexonal a la cuarta revolución industrial. Pola convidó a tolos asistentes a la xornada a que consulten con esos habilitadores tecnolóxicos, empreses asturianes capacitaes pa procurar la dixitalización de les empreses, al traviés de la páxina web www. asturiasindustria40.es , y ufiertó el sofitu del Executivu autonómicu www.asturiasindustria40.es y del Grupu Idepa pa llograr que'l sector asturianu de la construcción sía cada vez más competitivu.

Nel actu d'inauguración participaron tamién los directores xenerales d'Innovación y Emprendimiento, Ana Concejo, y del Idepa, Eva Pando, amás del presidente de la Fundación Llaboral de la Construcción, Joel García.

Na xornada presentáronse dellos casos d'éxitu, tanto d'empreses de la construcción que yá empecipiaron el so procesu de dixitalización como per parte de la comunidá habilitadora, qu'amosó'l potencial de la so tecnoloxía nesti sector.

 

   Icono gráfico alusivo al tipo de archivo Audiu (Audiu: 939 Kb) (n'español)

Información sobre el documento

© Copyright 2006. Gobiernu del Principau d'Asturies